Namieśnik staršyni ŭrada RF Dźmitryj Rahozin, jaki kuryruje abaronny kompleks paabiacaŭ, što Rasija prymienić jadziernuju zbroju dla abarony, kali na jaje napaduć.
«My nikoli nie pamianšali rolu jadziernaj zbroi, zbroi pomsty jak vialikaha ŭraŭnialnika šancaŭ».
Pa słovach Rahozina, luby ahresar abo hrupa ahresaraŭ pavinny razumieć, što ŭ rasijskaj vajennaj daktrynie nie vyklučana prymianieńnie jadziernaj zbroi i takaja mahčymaść źjaŭlajecca hałoŭnym faktaram strymlivańnia pravakacyj i ahresii ŭ dačynieńni da Rasii.
«My, biezumoŭna, u peŭnych situacyjach budziem źviartacca da abarony … z dapamohaj jadziernaj zbroi», — zajaviŭ vice-premjer.
Raniej Dźmitryj Rahozin paviedamlaŭ, što i Rasija i ZŠA pravodziać ekśpierymienty pa stvareńni hipierhukavaj zbroi. Pavodle jaho słoŭ amierykanskija i rasijskija śpiecyjalisty iduć nos u nos pa hetych technałohijach.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie27
Kamientary