U minčanki z-za syna, jaki dvojčy trapiŭsia za kiravańnie ŭ niećviarozym vyhladzie, konfiskavali darahi aŭtamabil. Pra heta paviedamiła staršy inśpiektar pa ahitacyi i prapahandzie ADAI Frunzienskaha rajona Minska Alena Vołčak.
33-hadovy minčanin byŭ pazbaŭleny paśviedčańnia kiroŭcy jašče viasnoj 2013 hoda. 15 krasavika jon, kirujučy aŭtamabilem Audi A8, na vulicy Panamarenki ździejśniŭ sutyknieńnie ź dźviuma mašynami, jakija ruchaŭsia ŭ spadarožnym kirunku. U avaryi nichto, na ščaście, nie paciarpieŭ. Adnak ekśpiertyza vyjaviła, što kiroŭca Audi sieŭ za rul u stanie ałkaholnaha apjanieńnia. Vynik analizu pakazaŭ 1,48 pramile. Tady ŭ dačynieńni da vadziciela byli składzienyja dva administracyjnyja pratakoły, jaho pazbavili prava na kiravańnie ŭsimi vidami transpartnych srodkaŭ u sukupnaści na čatyry hady. Mužčyna z takim pakarańniem nie pahadziŭsia i navat sprabavaŭ jaho abskardžvać.
Zrešty, usiaho praz 9 miesiacaŭ jaho znoŭ zatrymali za rulom u pjanym vyhladzie. Na hety raz u darahim BMW 520 2008 hoda vypusku. Mužčyna, jak jon paźniej sam patłumačyŭ u sudzie, piŭ piva jašče ź viečara, a na nastupny dzień adpraviŭsia ŭ kramu za dabaŭkaj. Pra jaŭna niećviarozaha kiroŭcu ŭ DAI paviedamili vidavočcy. BMW zatrymali, analiz pakazaŭ ŭ kiroŭcy 1,33 pramile.
Akazałasia, što darahaja mašyna naležyć maci zatrymanaha. Pieršapačatkova jana śćviardžała, što nie viedała pra pazbaŭleńnie syna pravoŭ kiroŭcy, adnak zatym pryznała, što heta było joj viadoma. U sudzie jana raspaviała, što ŭ dzień zatrymańnia pakinuła mašynu ŭ dvary, a sama pajšła. Kali žančyna viarnułasia dadomu, aŭto ŭžo nie było. Ciapier mašyna kanfiskavana. Jaje syna sud pryhavaryŭ da papraŭčych rabot terminam na dva hady z utrymańnia 20 % zarabotnaj płaty ŭ dachod dziaržavy, a taksama da pazbaŭleńnia prava kiravańnia transpartnymi srodkami terminam na 5 hadoŭ. Pryčym heta bolš miakkaje pakarańnie, čym zapytvaŭ prakuror.
Kamientary