Raśsielhasnahlad prosić vieterynarnyja orhany Biełarusi ab praviadzieńni terminovych kansultacyj pa pytańni pastavak bulby z hetaj krainy ŭ Rasiju. Pra heta paviedamlaje ITAR-TASS sa spasyłkaj na kiraŭnika Raśsielhasnahladu Siarhieja Dankvierta.
«My vałodajem infarmacyjaj, što firmy-pastaŭščyki prapanoŭvajuć rasijskim partnioram pastaŭki bulby z krain Jeŭrasajuza cieraź Biełaruś», — zajaviŭ jon. Hetyja fakty tłumačać, čamu vytvorcy bulby ź Jeŭropy nie imknucca pravodzić pravierki svajoj pradukcyi ŭ rasijskaj fitasanitarnaj słužby, miarkujuć u Raśsielhasnahladzie.
Raśsielhasnahlad budzie praviarać na miažy kožnuju partyju bulby, što zavodzicca ź Jeŭropy.
Biełaruś nie dałučyłasia da pahadnieńniaŭ Mytnaha sajuza ab dazvole kantralavać pachodžańnie bulby, jakaja pastaŭlajecca z krainy na rynki krain-partnioraŭ, što daje mahčymaść pradavać u Rasii jeŭrapiejskuju bulbu pad vyhladam biełaruskaj, tłumačać u Raśsielhasnahladzie. «My rychtujem list ab mahčymaści ŭviadzieńnia abmiežavańniaŭ na ŭvoz nasiennaj i tavarnaj bulby ź Biełarusi i prosim praviadzieńnia terminovych kansultacyj», — padkreśliŭ Dankviert.
Pastaŭki bulby ź ES u Rasiju zaraz abmiežavanyja z-za pahrozy raspaŭsiudžvańnia niebiaśpiečnych chvarob raślin. Adnak raniej Raśsielhasnahlad zajaŭlaŭ pra mahčymaść dazvołu ŭvozu nasiennaha materyjału ŭ Rasiju pry ŭmovie pravierki viedamstvam kožnaj tavarnaj partyi.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary