5 lutaha ŭ nacyjanalnym vystavačnym centry « Biełekspa « pačała pracu XXI Minskaja mižnarodnaja knižnaja vystava -kirmaš.
Siarod tych, chto adkryvaŭ tradycyjny forum knihi, byŭ staršynia Sajuza piśmieńnikaŭ Biełarusi Mikałaj Čarhiniec. Karespandent BiełaPAN pacikaviŭsia, jak kiraŭnik tvorčaha sajuza stavicca da taho, što ŭ Biełarusi ŭ minułym hodzie stała vydaviectvam mienš, majučy na ŭvazie pazbaŭleńnie licenzii vydaviectva « ŁohvinaŬ».
«Ja dumaju, ad hetaha Biełarusi stała lepš, - ličyć staršynia SPB. - Toje, što jany pisali … Nie, jany vydavali niekatoryja knihi - ničoha, ale toje, što jany apuskali knihu, jak havorycca, nižej za plintus, vydajučy łuchtu, jakaja hańbić navat čałavieka, što kazać na temu, pravilna i niapravilna ich pazbavili mahčymaści vydavać, nie varta.
Nahadaju tolki adnu ich knihu - ab Leninhradzie. Tam typu vieršaŭ - nie zrazumieješ, niejki marazm. Pišuć: «Ja źjeŭ svajo dzicia, idu zaraz ščaślivy ź Leninhrada». Pryblizna takoha sensu. Heta ździek z knihi, ź litaratury! Upeŭnieny, što zrabili pravilna - nie chočuć vydavać narmalnuju litaraturu, chaj iduć dadomu i vydajuć dla siabie tyja paršyvyja pisańni, jakija byli, naprykład, u hetaj knizie», cytuje Čarhinca BiełaPAN.
* * *
Vydaviectva «ŁohvinaŬ» pazbavili licenzii za vypusk alboma «Pres-fota Biełarusi — 2011».
Fotaalbom byŭ pryznany ekstremisckim na padstavie rašeńnia suda Ašmianskaha rajona ŭ krasaviku 2013 hoda.
Ekśpiertnaja kamisija na čale z načalnikam upraŭleńnia ideałahičnaj raboty Hrodzienskaha abłvykankama Paŭłam Skrabko pryznała, što ŭ albomie «ŭtrymlivajucca naŭmysna skažonyja vydumki, jakija nie adpaviadajuć rečaisnaści, ab žyćciadziejnaści Respubliki Biełaruś u palityčnaj, ekanamičnaj, sacyjalnaj i inšych śfierach, što źnievažajuć nacyjanalny honar i hodnaść hramadzian Respubliki Biełaruś».
Niezaležnaje vydaviectva «ŁohvinaŬ» isnuje z 2000 hoda.
Zajmajecca vydańniem sučasnaj biełaruskaj litaratury, navukovaj litaratury pa humanitarnych dyscyplinach, pierakładami na ruskuju i biełaruskuju movy.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie29
Kamientary