U subotu ŭ byłoj stalicy Kazachstana Ałmaty niekalki sotniaŭ čałaviek, niezadavolenych ekanamičnaj palitykaj uładaŭ, sabralisia la pomnika Abaja pierad Pałacam Respubliki, paviedamiła radyjo «Azatyk» (radyjo «Svaboda» ŭ Kazachstanie).
Jašče da pačatku mitynhu ŭsio adbyvałasia pa daŭno viadomaj u Biełarusi schiemie: pravaachoŭniki abharadzili płošču stužkaj z nadpisam pra ramontnyja raboty. Na samu płošču pryhnali dziasiatki aŭtamabilaŭ, a haradskija kamunalnyja słužby pačali prybirać śnieh na terytoryi.
Ludzi, jakija sabralisia na prylehłym da płoščy praśpiekcie Družby, vykazali niazhodu z vyklikanym devalvacyjaj rostam cen na tavary. Jak viadoma, 11 lutaha Nacyjanalny bank Kazachstana abviaściŭ ab źnižeńni abjomu valutnych interviencyj, paśla hetaha kurs tenhie upaŭ prykładna na 20%.
Ciapier ludzi bajacca, što nie zmohuć vypłacić kredyty. Udzielniki mitynhu zajaŭlali, što kali ŭłady nie buduć vyrašać ich prablemy, jany pojduć mitynhavać da rezidencyi prezidenta.
«Mitynhoŭcaŭ błakavali palicyja i bajcy SOBRu», — paviedamlaje ahienctva «Naviny-Kazachstan». Pavodle dadzienych ahienctva, niekalki dziesiatkaŭ čałaviek byli zatrymanyja. Siarod ich žurnalisty i hramadzianskaja aktyvistka Valeryja Ibrajeva, jakaja ŭ znak pratestu načapiła na hałavu karunkavyja žanočyja majtki. Jak paviedamlałasia, niekalki dzion tamu na terytoryi krain Mytnaha sajuza była uviedzienaja zabarona na vytvorčaść, ŭvoz i prodaž karunkavych majtkoŭ jak pradukcyi, «jakaja nie adpaviadaje rehłamientam».
Hł. taksama
Nazarbajeŭ: Dalejšaha panižeńnia kursu tenhie nie budzie
U Kazachstanie z-za devalvacyi začynilisia abmieńniki i interniet-kramy
Kazachstan devalvavaŭ tenhie na 20%
Kamientary