14 čałaviek z ukrainskimi i biełaruskimi ściahami śpiavajuć himn Ukrainy kala Čyrvonaha kaścioła
«Šče ne ŭmerła Ukraina» hučała pad ścienami Čyrvonaha kaścioła na płoščy Niezaležnaści ŭ Minsku ŭviečary 19 lutaha. Tam sabralisia junaki i piensijaniery, kab vykazać svaju salidarnaść z ukrainskim narodam.
Ludzi sabralisia, niahledziačy na toje, što za raniejšyja akcyi salidarnaści z Ukrainaj u Minsku i Barysavie ludziej zatrymlivali i sudzili.
Siarod prysutnych byli hramadskaja aktyvistka Hanna Šapućka i Volha Mikałajčyk, kinadakumientalistka.
Hanna Šapućka kaža: «My pavinny vykazać salidarnaść tak, jak my možam. Toje, što my možam — heta malitva».
Volha Mikałajčyk, kinadakumientalistka: «Ja dumała, žyćciom Žyźnieŭskaha, Nihajana, Viarbickaha i Senika skončycca hetaja trahiedyja. Ale ž nie. My prynieśli stužki, jakija my rabili dla marafona salidarnaści ź Michasiom Žyźnieŭskim. Dumała, što žałobnyja stužki nam nie spatrebiacca bolej pa Ukrainie. Siońnia ja zrazumieła, što, na žal, usio tolki pačynajecca. I tamu my tut siońnia».
Siońnia taksama prajšła akcyja kala pomnika Tarasa Šaŭčenku kala pasolstva Ukrainy
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary