Sud nad Šaršunom znoŭ pieranieśli: niepiśmienna aformlenyja pratakoły adpravili na dapracoŭku FOTA
Siońnia adbyłasia čarhovaje pasiedžańnie suda Centralnaha rajona h. Minska pa spravie Viktara Šaršuna, jakoha milicyjanty źbili za bieł-čyrvona-bieły ściah, vyviešany na bałkonie jaho kvatety.
Šaršuna vinavaciać pavodle art. 23.4 (niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ) i 23.5 (abraza słužbovaj asoby pry vykanańni im słužbovych paŭnamoctvaŭ) Kodeksa ab administratyŭnych pravaparušeńniach.
Pieršaje sudovaje pasiedžańnie musiła adbycca hetym paniadziełkam, ale jaho pieranieśli, kab vyklikać śviedkaŭ. Siońnia ž sudździa Valery Jeśman byŭ vymušany adpravić pratakoły na dapracoŭku, bo ŭ ich znajšłosia šmat niedakładnaściaŭ. Naprykład, učastkovy Illa Buhor, jaki składaŭ pratakoły, nie paznačyŭ u pratakole, za parušeńnie jakoha artykuła KaAP Šaršuna dastavili ŭ RUUS. Taksama Buhor nie zmoh patłumačyć, adkul u pratakole ŭziałasia prypiska inšym počyrkam, jakoj niama ŭ kopii pratakoła, vydadzienaj Šaršunu.
Minčuk Viktar Šaršun, jaki nastojliva praciahvaje vyviešvać u siabie na bałkonie bieł-čyrvona-bieły ściah niahledziačy na kanflikt ź milicyjaj, taksama padzialiŭsia z «NN» padrabiaznaściami incydenta, jaki adbyŭsia čałavieka, jaki adbyŭsia ŭ piatnicu, 28 lutaha.
Nahadajem, što tady nieviadomy čałaviek u cyvilnym zalez na bałkon da Viktara na treci pavierch i skraŭ ściah. Adnak Viktar patłumačyŭ, što čałaviek skraŭ ściah Šviecyi — jaho Šaršun paviesiŭ pobač ź bieł-čyrvona-biełym, bo peŭny čas byŭ vałancioram u hetaj krainie.
«Ja zdymaju bieł-čyrvona-bieły ściah uviečary, kab nichto nie skraŭ jaho. Viečaram piatnicy ja taksama źniaŭ jaho i pajšoŭ na kuchniu, bo smažyŭ bliny. Tolki ja adyšoŭ i da mianie na bałkon zalez nieviadomy čałaviek, jaki źniaŭ ściah Karaleŭstva Šviecyi. Kali ja pačaŭ fatahrafavać jaho, jon źbieh. Nažal, jaho tvara nie paznać na fatazdymkach — ja zdymaŭ praz škło z uspyškaj. Ale ja ŭžo napisaŭ zajavu ŭ milicyju z prośbaj rasśledvać kradziož ściaha z majho bałkona», — raskazaŭ Šaršun.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary