Mitrapalit Maskoŭskaha patryjarchata Safronij nazvaŭ Matvijenku biessaromnaj, a Pucina — bandytam VIDEA

Mitrapalit Čarkaski i Kanieŭski UPC Maskoŭskaha Patryjarchatu Safronij (Dźmitruk) 19 sakavik 2014 h. vystupiŭ z adkrytym zvarotam da ziemlakoŭ, jakija znachodziacca na dziaržaŭnaj słužbie Rasii i padtrymlivajuć prezidenta Pucina ŭ jaho vajennaj ahresii suprać Ukrainy — da staršyni Savieta Fiederacyi RF Valanciny Matvijenka (jaje dziacinstva i junactva prajšli ŭ Čarkasach) i ministra kultury RF Uładzimira Miadzinskaha (naradziŭsia ŭ siamji vajskoŭca ŭ horadzie Śmieła Čarkaskaj vobłaści).

«Historyja šanuje tych ludziej, jakija niezaležna ad abstavin, miesca pražyvańnia i hramadzianstva zaŭsiody pamiatajuć, adkul jany, dzie ich radzima, dzie zaryty ich pup, — adznačyŭ mitrapalit Safronij. — Adnak za ŭsiu svaju historyju Ukraina spaznała niamała vypadkaŭ zdrady. Nikudy nie dzielisia zdradniki i ŭ naš čas. Razumieju — hrošy, słava, upłyŭ, ułada, a sumleńnie dzie? Dzie prajaŭlenaje sumleńnie da svajho narodu?».

Ijerarch źviarnuŭsia, u pryvatnaści, da Valanciny Matvijenka — staršyni Savieta Fiederacyi RF, jaki zakanadaŭča padtrymaŭ zvarot prezidenta Rasii ab uviadzieńni vojskaŭ na terytoryju Ukrainy, a taksama da Uładzimira Miadzinskaha — ministra kultury Rasii, jakoje arhanizavała zboru podpisaŭ siarod rasijskich dziejačaŭ kultury ŭ padtrymku dziejańniaŭ Pucina ŭ Krymie.

«Mnie soramna za vas, Valancina Maćvijenka, ja ž z vami sustrakaŭsia, kali vy pryjazdžali ŭ Čarkasy… kryŭdna za vašych svajakoŭ, jakija jašče žyvuć u Čarkasach. Tut vaša škoła, miedvučylišča, pavietra dniaproŭskaje — vy ž vyraśli na hetym chlebie.

Jak ža zmahli tak podła pastupić u adnosinach da svajho narodu, zaklikajučy taho bandyta Pucina (jaho nielha inakš nazvać, ja nie bajusia hetaha, ja archirej), zdradziŭšy pravasłaŭnym ludziam na Ukrainie, pasyłać siudy, na vašych ziemlakoŭ, vojski?

Ja chacieŭ by pahladzieć u vočy ministra kultury Rasii ź Śmieły. Jakaja ŭ jaho kultura? Ci viedaje jon historyju, ci viedaje pra pakuty ukraincaŭ?

Ludzi dobryja, apamiatajciesia! Kamu vy słužycie? Čamu vy zdradzili radzimie, źjechali z Ukrainy i budujecie ščaślivaje žyćcio dla rasiejcaŭ, jakoha tam nasamreč i niama. Čamu nie chočacie budavać jaho dla ŭkraincaŭ, kali vy takija razumnyja i vaš mozh pracuje bolš jak na čatyry adsotki. Apamiatajciesia. Vypraŭcie svaje strašnyja i złačynnyja pamyłki suprać svajho naroda, bo Boh vam hetaha nie daruje!»

Jepiskapy i śviatary UPC u bolšaści vystupili z asudžeńniem vajennaj interviencyi Rasii ŭ Krymie.

U pryvatnaści, protaijerej Alaksandr Akułaŭ ad imia šmatlikich śviataroŭ UPC nazvaŭ vajennaje ŭvarvańnie va Ukrainu «pamyłkovym krokam kiraŭnictva Rasii». Kiraŭnik «vajennaha» adździeła UPC mitrapalit Aŭhustyn (Markievič) błasłaviŭ ukraincaŭ na abaronu krainy ad zamachaŭ rasijskaha vojska. Inšy archirej UPC jepiskap Fiłaret (Kučaraŭ) vystupiŭ z adkrytaj zajavaj da prezidenta RF, u jakim zaklikaŭ jaho vyvieści vojski z terytoryi Ukrainy i papiaredziŭ pra adkaz pierad Boham za dziejańni, jakija mohuć pryvieści da bratazabojčaj vajny pamiž brackimi pravasłaŭnymi narodami. Miescaachoŭnik Kijeŭskaj kafiedry UPC mitrapalit Anufryj (Biarozaŭski) dvojčy prasiŭ Rasiju nie dapuścić uzbrojenaha kanfliktu i zrabić usio mahčymaje dla zachavańnia terytaryjalnaj cełasnaści Ukrainy. U svaju čarhu pres-sakratar Pradstajaciela UPC protaijerej Hieorhij Kavalenka zajaŭlaŭ, što, uvodziačy va Ukrainu vojski, Rasija parušaje zapaviedzi «nie zabi» i «nie žadaj doma blizkaha tvajho».

U sakaviku 2014 śviatary UPC pryjazdžali ŭ Krym dla padtrymki ŭkrainskich marakoŭ.

Krymski kryzis zhurtavaŭ narod Ukrainy niezaležna ad kanfiesij i movy, adznačajuć pravasłaŭnyja śviatary.

• 0
• 0
• 0
• 0
• 0
• 0
• 0
• 0