Ja nie chacieŭ vychodzić vonki:
Ja patryjot svajoj staronki.
I ja padumaŭ: uciaku,
Choć u kišku, choć u ruku...
NAPIAREDADNI
- (zamiest pradmovy)
- Vytyrkajucca viežy, niby ćviki
Z advarotnaha boku tonkaje doški.
Chutka ja zrazumieju, chto ty taki.
Zastałosia troški.
- Na źmiarkańni kryž uźniośsia ŭharu
Z nadzimanym zvonam spadnicy.
Ty zrabiŭ sa mnoj heta, i, kali nie pamru,
Abaviazany ažanicca.
1. VIETLIVAJA
- Pryvitańnie, mama!
Voś jakaja ty!
Ty, jak ja, taksama
Hienij pieknaty!
- Śviet taki vialiki…
Svoj — abo čužy?
Niechta ciahnie ruki…
Oj, dapamažy!..
- Ja ŭ svajoj zadačcy
Vyjšła z kropki A.
Pryvitańnie, mama!
Daj mnie małačka!
2. PARTYZAN
- Ja nie chacieŭ vychodzić vonki:
Ja patryjot svajoj staronki.
I ja padumaŭ: uciaku,
Choć u kišku, choć u ruku.
Siabie prykleju, pryviažu,
Ale — ni kroku za miažu!
Mianie vykurvali, jak lisa,
Mianie krucili — ledź adbiŭsia,
Mianie, jak džyna zaklinali,
I vyciskali, i pinali…
I voś jano — śviatło ŭ taneli…
Pieramahli! — kab vy zhareli…
3. RAKIETA
- Ja tak siudy lacieła,
Što abhaniała čas!
Daščentu prapacieła,
Rastruščyła abcas…
Ci žarty — ź inšaśvietu!
Až śvisnuła ŭvuššu!
Ja pa žyćci rakieta —
I heta dakažu!
4. ŚNIAHURAČKA
- Ciocia! Ciocia! Ciocia!
Znajdzi mianie pad śnieham!
Dziadzia! Dziadzia!
Mašyna! Mašyna!
Ja žyła na zorcy —
I naradziłasia ŭ śnieh.
Vieryš? — ja nie rastanu ŭviesnu:
U mianie haračaja kroŭ,
I ja ŭmieju lubić.
5 i 6. DVOJE
- Dźvie nahi i dźvie nahi…
Chto z nas pieršy, chto druhi?
- Pa sakrecie…
(cicha! fielčar!)…
Šššš…
DRUHI
PALEZIE
PIERŠYM!
7. DYSYDENT
- Medsiastra, sa zvyšhreblivaj minaj:
«Posmotri, on jeŝio i scyt!»
I skrucili mnie ruki za śpinaj,
A vočy apiok albucyd.
8. Kiesaru - KIESARAVA
- Opa! A ja ŭžo tut!
Sustrakajuć aficyjnyja asoby.
A ja navat nie sabraŭ rečy.
Ja mahu pa ich viarnucca?
A‑a, voś i jany! Dziakuj!
Heta što?
Navošta hetaja huma?
Nie, dziakuj, ja nie hałodny.
Stop‑stop‑stop.
Čamu vy mianie skručvajecie?
Čamu spać?
Ja nie chaču spać!
Što vy robicie?
Heta hvałt!
Pakličcie majho advakata!..
9. CIAŽKI
- Jany chacieli pačuć, jak ja płaču,
Jany chacieli pabačyć, jak ja žyvu.
I, kab vyrašyć hetuju zadaču,
Doŭha łamali hałavu
Mnie. Abcuhami.
I kostki — mamie.
Maja dobraja, maja biełaja mama
Amal niežyvaja lažyć.
Nia bojsia: ja važu 5 kilahramaŭ!
Ja zapłaču. I my budziem žyć.
10. VYDATNICA
- Mnie adrazu pastavili 10 pa APHAR.
Ja pryjšła z uśmieškaj na tvary,
Pavitałasia z daktarami i siostrami
(Niekatoryja stracili prytomnaść),
Pacisnuła ruku mamie,
Vypiła šampanskaha z tatam.
I pieršaje, što mnie zrabili, —
Heta vyrvali pieršarodnyja zuby.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie1
Kamientary