Kiraŭnik niamieckaha ŭrada Anhieła Mierkiel u paniadziełak nie pahadziłasia z acenkaj svajho ministra finansaŭ Volfhanha Šojble, jaki siońnia paraŭnaŭ zachop rasijanami ŭkrainskaha paŭvostrava Krym ź siłavym dałučeńniem Adolfam Hitleram častki Čechasłavakii ŭ 1938 hodzie.
«My heta dobra viedajem z historyi (…) Heta mietady, jakija (Adolf) Hitler vykarystaŭ, kali zachoplivaŭ Sudziecki kraj (častka Čechasłavakii)», — skazaŭ ministr na sustrečy ź niamieckimi studentami.
«My pavinny abaraniać našych hramadzian, i tamu prymajem rašeńnie ab zachopie», — kazaŭ jon, kali tłumačyŭ łohiku ruskich.
Ministr dadaŭ, što rasijskija dziejańni vyklikajuć zaniepakojenaść nie tolki va Ukrainie, ale taksama ŭ krainach Bałtyi, Polščy i Vienhryi.
Mierkiel skazała, što «nielha paraŭnoŭvać» zachop Kryma i padziei ŭ Čechasłavakii pierad Druhoj suśvietnaj vajnoj.
U kancy vieraśnia 1938 h. lidary Vialikabrytanii, Francyi, Italii i Hiermanii ŭ Miunchienie pahadzilisia na ŭklučeńnie češskaha Sudzieckaha kraja, dzie bolšaść žycharoŭ byli niemcami, u skład Hiermanii. Praz hod niamieckija vojski zaniali ŭsiu Čechasłavakiju.
Jak paviedamlaŭ UNIAN, u druhoj pałovie sakavika Rasija abviaściła ab dałučeńni skład Kryma paśla taho, jak na niepryznanym ni Zachadam, ni ŭkrainskaj uładaj refierendumie jaho žychary vykazalisia za ŭvachod u skład Rasii.
Zachad rezka raskrytykavaŭ dziejańni ruskich i ŭvioŭ suprać datyčnych da hetych pracesaŭ asob sankcyi.
Ciapier čytajuć
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie9
Kamientary