Krym raskałoŭ rasijski ŭrad

Va ŭradzie Rasii abmiarkoŭvajuć źmienu biudžetnaha praviła — patrebnyja hrošy na stymulavańnie ekanamičnaha rostu i dapamohu Krymu. Minfin kateharyčna suprać naroščvańnia dziaržaŭnych vydatkaŭ.

Da lipienia ŭrad pavinien vyznačyć asnoŭnyja paramietry biudžetu na 2015-2017 hh. Dyskusija źviałasia da pytańnia, ci mianiać biudžetnaje praviła, naroščvajučy dziaržaŭnyja vydatki, ci nie, raspaviadajuć niekalki fiederalnych čynoŭnikaŭ.

Biudžetnaje praviła abmiažoŭvaje naftahazavyja vydatki. Za źmianieńnie biudžetnaha praviła vystupajuć pieršy namieśnik staršyni ŭrada Ihar Šuvałaŭ i Minekanamraźvićcia.

Šuvałaŭ tłumačyć nieabchodnaść karekciroŭki praviła dadatkovymi vydatkami na ŭtrymańnie i raźvićcio Kryma ŭ 2015-2020 hh., raspaviadaje fiederalny čynoŭnik. Minfin prapanuje prafinansavać raźvićcio Kryma ŭ 2015-2020 hh. za košt skaračeńnia inšych vydatkaŭ, u tym liku dziaržprahram, Šuvałaŭ suprać, viedaje surazmoŭca «Viedamaściaŭ»: prydziecca admaŭlacca ad niekatorych sacyjalnych abaviazacielstvaŭ i važnych infrastrukturnych prajektaŭ, a heta vielmi niepažadana.

Šuvałaŭ prapanuje ŭličyć u biudžetnym pravile rost nasielnictva Rasii z-za Krymu —z 143 młn da 145 młn čałaviek, raspaviadaje fiederalny čynoŭnik i paćviardžaje supracoŭnik Minfina. Značyć, vydatki biudžetu možna pavialičyć prykładna na 250 młrd rub. u hod — pavinna chapić na Krym i Sievastopal, raspaviadaje fiederalny čynoŭnik.

Papiarednie vydatki biudžetu na prahramu raźvićcia Kryma i Sievastopala aceńvajucca ŭ 1 trłn rub. Pradstaŭnik Minrehijonu (raspracoŭščyk prahramy) kaža, što pieršyja raźliki buduć tolki na nastupnym tydni. Niezrazumieła, jak u biudžetnym pravile ŭličyć pryrost nasielnictva, ździŭleny supracoŭnik Minfina.

Minekanamraźvićcia taksama prapanuje ŭličvać u biudžetnym pravile nie tolki ceny na naftu, ale i inšyja makraekanamičnyja paramietry. Naprykład, adtok kapitału, skazaŭ ministr Alaksiej Ulukajeŭ.

Prapanova nie aznačaje, što pavinna być niejkaja žorstkaja zaležnaść pamiž praviłam i adtokam, — sutnaść u tym, što ekanamičnuju palityku treba mianiać, kali mianiajucca ekanamičnyja ŭmovy, tłumačyć namieśnik ministra ekanamraźvićcia Andrej Klepač:

«Kali raniej my mierkavali, što adtok kapitału budzie zapavolvacca, a atrymali situacyju valutna-finansavaha ŭzbudžeńnia, kali tempy rostu kala nula ci minus zamiest 1,5—2%, to vidavočna, što ekanamičnaja palityka pavinna źmianiacca».

Pavinny być amartyzatary, inakš uvieś ŭdar pryjdziecca na realny siektar i dabrabyt ludziej, upeŭnieny jon, i ŭrad stanie na šlach makraekanamičnaha samahubstva abo mazachizmu.

Minekanamraźvićcia prapanuje źmiakčyć biudžetnaje praviła, pavialičyŭšy z 2015 h. deficyt z 1% VUP da 1,5%, kaža Klepač. U 2014 treba vykarystoŭvać častku dadatkovych naftahazavych dachodaŭ, budzie kala 1 trłn rub., i vyłučyć 200 młrd z fondu nacyjanalnaha dabrabytu (FND) na dakapitalizacyju praź Źniešekanombank bankaŭ i finansavaje azdaraŭleńnie kampanij, miarkuje jon.

 Mianiać biudžetnaje praviła, parušać ŭstojlivaść biudžetnaj sistemy nielha, kateharyčna vykazvajecca vysokapastaŭleny čynoŭnik Minfina, vydatki na Krym treba prafinansavać za košt aptymizacyi inšych dziaržprahram, a na 2015 jość rezierv u 80 młrd rub. nieraźmierkavanych vydatkaŭ.

• 0
• 0
• 0
• 0
• 0
• 0
• 0
• 0