17:25
U Adesie milicyja pa patrabavańni prarasijskich aktyvistaŭ-pratestoŭcaŭ vypuściła zatrymanych 2 maja za masavyja biesparadki.
Na Preabraženskuju vulicu, dzie raźmieščany budynak Adeskaha haradskoha ŭpraŭleńnia ŭnutranych spraŭ i jaki šturmavali bolš za 1 tys. čałaviek, prybyŭ načalnik milicyi hramadskaj biaśpieki HU MUS u Adeskaj vobłaści, časovy v.a. načalnika hetaha ŭpraŭleńnia Dźmitryj Fučedžy.
Pad kryki žančyn: «Hańba!» i «Dapamažycie!» jon zajšoŭ u dvor budynka haradskoha ŭpraŭleńnia milicyi, dzie znachodziłasia šmat pratestoŭcaŭ.
Na miesca dla pieramovaŭ prybyŭ taksama deputat haradskoha savieta Siarhiej Baŭbałan. Razam ź im u izalatar uvajšli pradstaŭniki prarasiejskich aktyvistaŭ. Im dazvolili ŭvajści, kab jany pierakanalisia, što ŭsich zatrymanych vypuściać.
Praź niekatory čas ź izalatara časovaha ŭtrymańnia pačali vychodzić zatrymanyja pad radasnyja kryki niekalki dziasiatkaŭ ludziej. Baŭbałan paprasiŭ usich u dvor i paviedamiŭ, što ŭ izalatary bolš nikoha niama.
Ludzi skandujuć: «Adzin za ŭsich i ŭsie za adnaho!», «Rasija!», «Ura!», «Adesa — ruski horad!» i h.d.
Ale prysutnyja nie chočuć sychodzić, patrabujučy, kab ich puścili ŭnutr, bo, pa słovach niekatorych ź ich, usiaredzinie nibyta niechta jašče zastaŭsia z zatrymanych.
***
Raniej u Adesie z Kulikova pola kala 1 tysiačy prarasiejski nastrojenych hramadzian pryjšli da budynka Haradskoha ŭpraŭleńnia MUS, raźmieščanaha ŭ centry horada — na vulicy Preabraženskaj.
Mitynhoŭcy potym prajšli pa vulicy Puškinskaj, skandujučy: «Adesa — ruski horad», «Dałoŭ chuntu», «Hurvic — zabojca», «Adesa»!Niekalki ahresiŭnych maładych ludziej raźbili hazietny kijosk, na vitrynie jakoha ŭbačyli časopis z vyjavaj na jaho vokładcy kandydata ŭ mery Adesy Eduarda Hurvica.
Taksama źbity mužčynu, jaki ŭskryknuŭ: «Słava Ukrainie». Jamu prałamali hałavu, ad raspravy jaho vyratavali minaki i supracoŭnik milicyi.
Kala budynka milicyi šmat ahresiŭna nastrojenych maładych ludziej, jakija trymajuć u rukach elektryčnyja šokiery. Jany pahražajuć žurnalistam, patrabujučy pakazać paśviedčańnie.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary