Hałoŭny trenier zbornaj Biełarusi Hlen Chenłan prakamientavaŭ valavuju pieramohu nad Hiermanijaj (5:2 — 1:2, 1:0, 3:0) u hrupavym raŭndzie ČS-2014.
«U nas jość vykanaŭcy, jakija mohuć vyrašyć vynik pajadynku, i jany heta znoŭ dakazali. Adstaŭšy na dźvie šajby, my prajavili charaktar. Braty Kaścicyny, Hraboŭski, Kalužny zrabili svaju pracu vielmi dobra.
Ja vielmi zadavoleny pieramohaj. Ale ŭ nas, nahadaju, biźnies-padychod.
Ja nie chaču, kab hulcy padumali, što sprava zroblena. Hanarusia, jak chłopcy siońnia adpracavali. Mesedž taki: «My vyjhrali trojčy, ale pryjechali nie za hetym. U nas napieradzie matčy, u jakich treba vykłaścisia jašče bolš».
«Mnie vielmi padabajecca novy farmat čempijanatu śvietu. Kožnaja kamanda ŭciahnutaja ŭ baraćbu — heta vydatna. Našy hulcy mohuć spravicca sa svaimi emocyjami — heta absalutna dakładna. Ich ŭzbudžeńnie pryjemnaje, — skazaŭ Chenłan».
Zbornaja Biełarusi praviadzie dva matčy: z Łatvijaj u paniadziełak, z Rasijaj — u aŭtorak.
Rasija — 15 (5 hulniaŭ), Biełaruś — 9 (5), Łatvija — 9 (5), Finlandyja, ZŠA — 8 (5), Šviejcaryja — 7 (6), Hiermanija — 5 (5), Kazachstan — 2 (6).
Siońnia Šviejcaryja pieramahła Kazachstan — 6:2, Kazachstan pakidaje elitny dyvizijon.
Astatnija hulni ŭ hrupie V:
niadziela, 18 maja:
ZŠA — Finlandyja
Rasija — Hiermanija;
paniadziełak, 19 maja
Kazachstan — Finlandyja
Biełaruś — Łatvija;
aŭtorak, 20 maja
Hiermanija — ZŠA
Łatvija — Šviejcaryja
Biełaruś — Rasija
U płej-of vychodziać čatyry pieršyja kamandy.
Apytanka
Ciapier čytajuć
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam2
Kamientary