Mahutnaja zaleva, što abrynułasia na Minsk, znoŭ pryviała da padtapleńnia vulicy Niamihi, a taksama Internacyjanalnaj, paviedamlaje twitter MNS i ilustruje heta fatazdymkami.
Vybirajučy maršrut šlachu, uličvajcie hetyja abstaviny.
Jak paviedamlaje BiełTA sa spasyłkaj na pres-sakratara MNS Vitala Navickaha, siońnia ŭ Minsku ŭ vyniku mocnaha daždžu adbylisia padtapleńnia prajeznych častak pa vulicach Uralskaj, Daŭhabrodskaj, Korvata, Filimonava, Radyjalnaj, Minina, Tałstoha, Fabrycyusa, Kamsamolskaj, Śviardłova, Niamiha.
Na asobnych učastkach hetych vulic prypynieny ruch transpartu. «U piaci punktach horada pracujuć padraździaleńni MNS. Na vulicy Niamiha, 3 adbyłosia padtapleńnie pamiaškańniaŭ cokalnaha pavierchu handlovaha centra. Rabotniki MNS akazali dapamohu ludziam, jakija znachodzilisia na prypynku hramadskaha transpartu. Pa vulicy Pieradavoj, 117 akazana dapamoha pa dastavańni dziciaci (7 hadoŭ) z padtoplenaha lehkavoha aŭtamabila. Paśla hradu i zalevy ŭ stalicy paciarpiełych niama», — skazaŭ Vital Navicki.
Pres-sakratar dadaŭ, što na aeradromie MNS «Lipki» ŭ suviazi z rezkim źmianieńniem umoŭ nadvorja vyrabili vymušanuju pasadku 2 viertalota «Robinsan».
Na aŭtorak taksama prahnazujuć mocnyja daždžy, zalevy, hrad, škvalistaje ŭzmacnieńnie vietru da 20 m/s.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary