Likvidacyju, rearhanizacyju i stvareńnie šerahu arhanizacyj kryminalna-vykanaŭčaj sistemy i lačebna-pracoŭnych prafiłaktoryjaŭ (ŁPP) praduhledžvaje padpisany 28 maja ŭkaz prezidenta № 242 «Ab udaskanalvańni dziejnaści kryminalna-vykanaŭčaj sistemy Ministerstva ŭnutranych spraŭ».
Jak paviedamiła pres-słužba biełaruskaha kiraŭnika, praduhledžana likvidacyja dźviuch papraŭčych kałonij u Mahilovie i Navapołacku, što vyklikana «skaračeńniem kolkaści asob, jakija adbyvajuć pakarańnie ŭ papraŭčych kałonijach». Na bazie likvidavanych papraŭčych kałonij i filijała ŁPP № 4 u Viciebsku buduć stvorany try ŁPP. Praduhledžana rearhanizacyja 35 papraŭčych ustanoŭ adkrytaha typu šlacham dałučeńnia 21 ustanovy da 14 «bolš pierśpiektyŭnych ustanoŭ». Takoje ŭzbujnieńnie ŭstanoŭ źviazana «sa źnižeńniem udzielnaj vahi pakarańnia ŭ vyhladzie abmiežavańnia voli z nakiravańniem u papraŭčyja ŭstanovy adkrytaha typu ŭ struktury pryznačanych sudami vidaŭ pakarańniaŭ».
«U metach zabieśpiačeńnia asudžanych maksimalnaj pracoŭnaj zaniataściu» ŭličvajecca najaŭnaść na terytoryi dysłakacyi ustanoŭ, jakija ŭzbujniajucca, bujnych pramysłovych ab`iektaŭ, inšych arhanizacyj, jakija majuć patencyjalnuju mahčymaść dla ich pracaŭładkavańnia.
U suviazi z aptymizacyjaj kryminalna-vykanaŭčaj sistemy ŭnosiacca adpaviednyja źmianieńni i dapaŭnieńni ŭ pieralik dziaržaŭnych arhanizacyj, padparadkavanych Ministerstvu ŭnutranych spraŭ (jaho departamientam), zaćvierdžany ŭkazam ad 4 śniežnia 2007 hoda № 611 «Ab niekatorych pytańniach Ministerstva ŭnutranych spraŭ i arhanizacyj, jakija ŭvachodziać u sistemu orhanaŭ unutranych spraŭ».
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary