3-hadovaja dziaŭčynka, jakuju źbiła aŭto ŭ staličnym dvary, pamierła
DTZ adbyłosia na dvarovaj terytoryi pa vulicy R. Luksiemburh: dziadula hulaŭ ź dźviuma ŭnučkami ŭ dvary, starejšaja dziaŭčynka pajšła ŭ piasočnicu, 3-hadovaja małaja siadzieła ź dziadulem u sałonie aŭtamabila i raptam vybiehła z mašyny i kinułasia za siastroj. U hety momant jaje źbiŭ 36-hadovy kiroŭca «Ford Mandea».
Dzicia atrymała ciažkija paškodžańni, množnyja pierałomy, pierałom asnavańnia zvodu čerapa i inšyja — i było špitalizavana.
Daktary zmahalisia za žyćcio dziaŭčynki kala 12 hadzin, adnak nočču jana pamierła ad atrymanych traŭmaŭ.
Na ŭjeździe ŭ dvarovuju terytoryju pastaŭleny darožny znak «Ujezd zabaronieny», patrabavańni jakoha nie raspaŭsiudžvajucca na žycharoŭ niekalkich damoŭ. Kiroŭca «Forda» da ich nie adnosicca, jon pražyvaje ŭ susiednim domie.
«36-hadovy kiroŭca byŭ ćviarozy. U dačynieńni da jaho raspačata kryminalnaja sprava pa č. 2 art. 317 KK RB «Parušeńnie PDR, što paciahnuła pa nieaściarožnaści śmierć čałavieka». Viaducca nieabchodnyja śledčyja dziejańni», — dapoŭnili ŭ prakuratury.
«Pavodle papiaredniaj infarmacyi, kiroŭca nie pieravyšaŭ ustanoŭleny ŭ dvarach chutkasny režym. Pryparkavanyja ŭ dvary aŭtamabili stajali biez parušeńnia PDR», — paviedamiła kiraŭnik pres-słužby DAI Minska Taćciana Charlinskaja.
Staličnaja Dziaržaŭtainśpiekcyja prosić vadzicielaŭ być jak maha bolš uvažlivymi asabliva ŭ dni dziciačych vakacyj — dzieci, na žal, nie ŭśviedamlajuć niebiaśpieki i mohuć raptam źjavicca na prajeznaj častki daroh i dvarovych terytoryj.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?11
Kamientary