Ministerstva kultury Ukrainy paviedamiła, što vizit kiraŭnika RPC patryjarcha Kiryła ŭ Kijeŭ źjaŭlajecca niepažadanym.
Pra heta havorycca ŭ zajavie kiraŭnika Departamienta pa spravach relihij i nacyjanalnaściaŭ Ministerstva kultury Ukrainy Uładzimira Juškieviča.
Jon adznačyŭ, što siońnia, 19 červienia, u Śviata-Uśpienskaj Kijeva-Piačerskaj łaŭry adbudziecca Śviaty sinod Ukrainskaj pravasłaŭnaj carkvy ŭ adzinstvie z Maskoŭskim patryjarchatam.
Jak stała viadoma sa šmatlikich paviedamleńniaŭ ŚMI, na hetym sinodzie UPC, pad ciskam źniešnich sił, moža być pryniata rašeńnie ab zaprašeńni va Ukrainu Patryjarcha Maskoŭskaha Kiryła.
«Tamu, jak kiraŭnik orhana ułady ŭ halinie dziaržaŭna-carkoŭnych adnosin, chaču paviedamić, što
zhadany vizit padčas rasijskaj vajennaj ahresii, što ažyćciaŭlajecca suprać Ukrainy, źjaŭlajecca niepažadanym, pravakacyjnym i palityčna anhažavanym», — zajaviŭ Juškievič.
Pry hetym jon zapeŭniŭ, što Ukraina ŭ ramkach zakanadaŭstva i zakonnaści, zrobić usio, kab hety pryjezd nie byŭ ažyćcioŭleny na lubuju terytoryju dziaržavy, uklučajučy časova akupavanuju.
«Na moj pohlad, taki vizit kiraŭnika Ruskaj pravasłaŭnaj carkvy moža sparadzić tolki chvalu mižkanfiesijnaha supraćstajańnia, a tamu mahčymy tolki paśla spynieńnia ahresii Rasii i viartańnia ŭsich joju zachoplenych ŭkrainskich terytoryj», — havorycca ŭ zajavie.
Juškievič pažadaŭ členam Śviatoha sinoda Ukrainskaj pravasłaŭnaj carkvy plonnaj pracy i ŭzvažanych i adkaznych rašeńniaŭ, jakija pojduć na karyść Carkvy i niezaležnaj i cełasnaj Ukrainy.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary