Načalnik Mazyrskaha RAUS adchileny ad vykanańnia słužbovych abaviazkaŭ zhodna z pałažeńniem ab prachodžańni słužby ŭ orhanach unutranych spraŭ.
U kancy červienia ranicaj načalnik RAUS Juryj Krasiuk byŭ spynieny supracoŭnikami UDAI UUS Homielskaha abłvykankama z prykmietami ałkaholnaha apjanieńnia, paviedamili u adździele infarmacyi i hramadskich suviaziaŭ UUS Homielskaha abłvykankama. Pakul pravodzicca pravierka, dakładna nie ŭstanoŭlena, ci byŭ sapraŭdy pjany milicejski kiraŭnik padčas znachodžańnia za rulom aŭtamabila.
Pavodle nieaficyjnaj infarmacyi, masavanaja adpracoŭka daroh pravodziłasia supracoŭnikami DAI 26 červienia, kali Homielskuju vobłaść naviedvaŭ Alaksandr Łukašenka. Adpracoŭku daroh Homielskaj vobłaści ŭ kancy červienia taksama pravodziła śpiecpadraździaleńnie UDAI UUS «Małanka».
Padpałkoŭnik Juryj Krasiuk byŭ pryznačany na pasadu načalnika Mazyrskaha RAUS 29 sakavika 2013 hoda zahadam Ministerstva ŭnutranych spraŭ. Uradženiec Mazyrskaha rajona. Pačynaŭ pracoŭnuju dziejnaść u Kalinkavickim RAUS, skončyŭ Akademiju MUS, dzieviać hadoŭ pracavaŭ u kryminalnym vyšuku. Z 2002 hoda zajmaŭ pasadu namieśnika načalnika — načalnika milicyi hramadskaj biaśpieki Kalinkavickaha RAUS.
Kamientary