MZS RF admaŭlaje mahčymaść praviadzieńnia jakojści miratvorčaj apieracyi na terytoryi Ukrainy z udziełam rasijskich vajskoŭcaŭ, zajaviŭ u čaćvier aficyjny pradstaŭnik MZS Alaksandr Łukaševič.
«Vy dzieści načytalisia, napeŭna, u vašych krynicach pra niejkuju miratvorčuju apieracyju. Ničoha padobnaha. I pa-mojmu, na samych vyšejšych uzroŭniach ŭžo hetuju viersiju, jakaja kimści zapuščana, mabyć, śpiecyjalna, spravakavaŭšy rasijskuju reakcyju na padziei na Ukrainie, chočuć atrymać», — cytuje dziaržaŭnaje rasijskaje ahienctva RIA «Naviny» jahony adkaz na pytańnie ŭkrainskaha žurnalista ab mahčymaj arhanizacyi miratvorčaj apieracyi i paviedamleńniach ab tym, što 60% kantynhientu buduć rasiejskija sałdaty.
Łukaševič dadaŭ, što Rasija padtrymlivaje mierapryjemstvy, źviazanyja ź dziejnaściu misii ABSIE, i ličyć ich «vielmi važnym manitorynhavym miechanizmam».
Kamientary