Na naradzie z kiraŭnikami siłavych viedamstvaŭ krainy prezident Ukrainy Piotr Parašenka prapanavaŭ źmianić taktyku, kab zvuzić zonu Antyterarystyčnaj apieracyi (ATA) i zabiaśpiečyć abaronu mirnaha nasielnictva.
«Za apošnija try dni suprać Uzbrojenych sił Ukrainy była ŭžyta novaja rasijskaja sistema załpavaha ahniu», — adznačyŭ jon.
Taksama paćviardžajucca dadzienyja ab tym, što ŭdzieł u bajavych dziejańniach suprać ukrainskich sił viaduć kadravyja rasijskija aficery.
Parašenka adznačyŭ nieabchodnaść niekatorych źmianieńniaŭ u taktycy, jakija dazvolili b zvuzić zonu ATA, uzmacnić abaronu miežaŭ i zrabić usio dla taho, kab zabiaśpiečyć abaronu mirnaha nasielnictva.
Jon taksama pastaviŭ pierad «Ukrabaronpramam» zadaču ŭžo praz tydzień palepšyć zabieśpiačeńnie zbrojaj vajskoŭcaŭ u zonie ATA.
Na dumku Parašenka, u nasielenych punktach, jakija vyzvalajucca ad bajevikoŭ, pavinna nieadkładna być adnoŭlenaja hramadzianskaja ŭłada, zdolnaja pakłapacicca pra nasielnictva.
Pry hetym na vajskoŭcaŭ uskładajecca adkaznaść za adnaŭleńnie mirnaha žyćcia ŭ vyzvalenych haradach.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ4
Kamientary