U kiraŭnictvie samaabvieščanaj Danieckaj narodnaj respubliki 14 žniŭnia adbylisia hučnyja kadravyja źmieny. Niaźmienny kiraŭnik ministerstva abarony «narodnaj respubliki» Ihar Hirkin, taksama viadomy jak Strałkoŭ, syšoŭ u adstaŭku. Jon skłaŭ ź siabie paŭnamoctvy na fonie pośpiechaŭ ukrainskaj armii i čutak ab atrymanym im mocnym ranieńni.
Miesca Strałkova na pasadzie kiraŭnika abaronnaha viedamstva zaniaŭ Uładzimir Konanaŭ, bolš viadomy pad mianuškaj «Car».
U DNR zapeŭnivajuć, što sam Strałkoŭ žyvy i adčuvaje siabie dobra. «Žyvy, zdarovy, ź im usio narmalna. Ja b nazvaŭ ukidam infarmacyju ab jaho ranieńni. Heta absalutna nie adpaviadaje rečaisnaści», — dadaŭ člen Rady biaśpieki DNR.
U paviedamleńni DNR tłumačycca, što Strałkoŭ padaŭ u adstaŭku pa ŭłasnym žadańni. Paśla adstaŭki jon praciahnie zajmacca spravami respubliki. Pry hetym u paviedamleńni «narodnaj respubliki» padkreślivajecca, što «zaraz Strałkoŭ sa spakojnym sercam moža vyjechać za miežy DNR».
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary