U čas rabočaj pajezdki ŭ Omskuju vobłaść akim (hubiernatar) Paŭładarskaj vobłaści Kazachstana Kanat Bazumbajeŭ vystupiŭ z prapanovaj uvieści ŭ omskich škołach častkovaje vyvučeńnie kazachskaj movy.
Pra heta paviedamlaje rehijanalnaje infarmacyjnaje ahienctva «Omskinform».
«Budziem damaŭlacca, kab, nie adryvajučysia ad karanioŭ, hramadzianie Rasijskaj Fiederacyi kazachskaj nacyjanalnaści viedali svaju rodnuju movu, kab jany mahli pajechać u Kazachstan da svaich svajakoŭ i razmaŭlać na našaj movie», - zajaviŭ Bazumbajeŭ padčas vizitu na Omski naftazavod.
Kiraŭnik Paŭładarskaj vobłaści, jakaja miažuje z Omskaj z poŭdnia, paabiacaŭ dapamahčy miascovym uładam i zabiaśpiečyć školnikaŭ nieabchodnym naboram padručnikaŭ.
Bazumbajeŭ pry hetym spasłaŭsia na kazachstanski dośvied. U jahonaj vobłaści ŭ škołach raspaŭsiudžana trochmoŭje: tam vyvučajuć nie tolki kazachskuju i anhlijskuju, ale i ruskuju movy.
Pa dadzienych na 2012 hod, dola rasijanaŭ u nasielnictvie Paŭładarskaj vobłaści składała amal 38%. Dola kazachaŭ ŭ nacyjanalnym składzie Omskaj vobłaści — krychu bolš za 4%
Kamientary