Šatłandyja skazała «nie» niezaležnaści: «tak» — 44,7%, «nie» — 55,3%

Padličanyja ŭsie hałasy na refierendumie ŭ Šatłandyi. Rehijon prahałasavaŭ suprać niezaležnaści. Usiaho za adździaleńnie prahałasavali 1 młn 617 tys. 989 čałaviek (44,7%), suprać — 2 młn 1 tys. 926 (55,3%). Jaŭka skłała 84.59%. Dla pieramohi niezaležnikam nie chapiła 200 tys. hałasoŭ.

9:15

Kiraŭnik centralnaj padlikovaj kamisii Mery Pitkiejci zajaviła: «Całkam jasna, što bolšaść adkazała «nie» na pytańnie refierendumu».

Cikava, što Brytanski funt sterlinhaŭ prykmietna vyras u adnosinach da asnoŭnych valut na navinach pra vynik refierendumu. U pryvatnaści, u dačynieńni da jeŭra kurs funta dasiahnuŭ samaj vysokaj adznaki za apošnija dva hady.

9:30

Premjer-ministr Devid Kemieran paviedamiŭ, što prajekt dalejšaha pahłybleńnia samakiravańnia dla Šatłandyi budzie apublikavany ŭ studzieni.

«My zrabili pravilna, kali, pavažajučy bolšaść Partyi šatłandskich nacyjanalistaŭ u parłamiencie Šatłandyi, dali šatłandskamu narodu mahčymaść vykazacca. (…) I my pačuli volu naroda. …

Šatłandcy vykazalisia, i vynik zrazumieły. Jany zachavali našu krainu, jakaja składajecca z čatyroch nacyj, i, jak i miljony inšych ludziej, ja ščaślivy».

Pieršy ministr Šatłandyi Aleks Sałmand zajaviŭ, što pryniaŭ «demakratyčny vierdykt, vyniesieny narodam Šatłandyi».

«Ja zaklikaju ŭsiu Šatłandyju svaim prykładam i pryniać demakratyčna vykazanuju volu naroda Šatłandyi», — skazaŭ jon.

* * *

Hałasy ličyli ŭsiu noč, ale adrazu paśla pieršaha exit polla ŭ 00:30, stała jasna, što praciŭniki niezaležnaści pieramohuć. Jany praviali kampaniju «My lubim Šatłandyju, ale «nie», dziakuj».

Roźnica ŭ suadnosinach 45%—55% zachoŭvałasia ŭsiu noč, praŭda, nadziei niezaležnikaŭ vyraśli, kali jany pieramahli ŭ Hłazha (53%, najbujniejšym horadzie), a taksama ŭ Dandzi (56%). «Tak» skazaŭ Zachodni Dambartonšyr (53%) i Paŭnočny Łanarkšajr, voś zdajecca i ŭsio.

Paśla 7-j ranicy zastavałasia padličyć hałasy ŭ šaści akruhach, u tym liku ŭ staličnym Edynburhu. Tak voś, Arhajł i Bjut skazali «nie». «Tak» – 41,5%, «nie» – 58,5% Abierdynšyr taksama skazaŭ «nie» («tak» usiaho 39,6%). Edynburh skazaŭ «nie» — 61% hałasami, za niezaležnaść prahałasavali ŭsiaho 39%.

Paźniej Namieśnik premjer-ministr Šatłandyi Nikoła Sterdžen pryznała, što praciŭniki niezaležnaści pieramahli.

7:18

Poŭnač Šatłandyi taksama vykzałasia suprać niezaležnaści. Arkniejskija vyspy skazali «nie», za niezaležnaść vykazalisia tam 33%, Šetłandskija vyspy — «tak» 36%, «nie» — 64.

00:32

Apytańnie interniet-kampanii YouGov, paviedamlaje Bi-Bi-Si. śviedčyć, što «Nie» niezaležnaści skazali 54%, «tak» — 46%.

Vyniki zasnavanyja na telefonnym apytańni ludziej, ź jakimi źviazalisia paśla ich vizitu na vybarčyja ŭčastki i apytali, jak jany prahałasavali. Prezident kampanii Piter Kielnier zajaviŭ SkyNews, što było apytana 3 tys. čałaviek, «Ja ŭpeŭnieny na 99% u vynikach apytańnia», — skazaŭ jon.

***

U Šatłandyi a 00:00 pavodle minskaha času zaviaršyłasia hałasavańnie na refierendumie ab niezaležnaści ad Vialikabrytanii.

Pavodle papiarednich źviestak, jaŭka była značnaj — kala učastkaŭ dla hałasavańnia vystrojvalisia čerhi z achvotnych pryniać udzieł u refierendumie. Zarehistravalisia dla hałasavańnia 4,2 młn čałaviek (97% tych, chto maje prava hołasu).

Vybarščykam treba było adkazać «Tak» ci «Nie» na adzinaje pytańnie: «Ci pavinna Šatłandyja być niezaležnaj krainaj?». Kali vyniki buduć stanoŭčyja, 24 sakavika 2015 h. Šatłandyja abvieścić niezaležnaść.

Kančatkovyja vyniki refierendumu stanuć viadomyja da ranicy piatnicy (05:00—07:00), budzie apracoŭka hałasoŭ va ŭsich 32 akruhach.

• 0
• 0
• 0
• 0
• 0
• 0
• 0
• 0