Alaksiej Vieniadziktaŭ adznačaje, što ciapierašniaje pakaleńnie kiraŭnikoŭ Rasiei jurydyčna pryznajuć isnavańnie asobnaj dziaržavy Ukrainy, ale ŭsprymajuć heta jak histaryčnuju niespraviadlivaść. «Ukraincy, biełarusy — jany ž ruskija, tolki ź inšaj havorkaj», — tak usprymajucca našy narody..
«Karystajučysia svaim słužbovym stanoviščam jak redaktar radyjo «Echo Moskvy», ja razmaŭlaju ź ludźmi, jakija prymajuć rašeńni ŭ dačynieńni našaj palityki. Ludzi, u zvyčajnym žyćci adekvatnyja, tyja, što lubiać dobraje viski i šachmaty, miarkujuć, što nijakaha ŭkrainskaha naroda nie isnuje», — raskazaŭ hałoŭny redaktar radyjostancyi «Echo Moskvy» Alaksiej Vieniadziktaŭ padčas sieminara na temu «Rasija—Ukraina: adna kraina ci dźvie?»
Pavodle jaho słoŭ, rasiejskaja palityčnaja viarchoŭka ŭsprymaje ukraincaŭ, biełarusaŭ i rasijan jak adzin naro. Pryčym tak dumajuć nie tolki palityki-impieryjalisty, a całkam zvyčajnyja ludzi, navat tyja, što z dobraj zachodniaj adukacyjaj. «Jany pierakananyja, što heta adna terytoryja, ale tak histaryčna skłałasia, što dźvie vobłaści vyłučylisia ŭ asobnyja dziaržavy. Tak byvaje. Było ž dźvie niamieckija dziaržavy. Ciapier — try ruskija dziaržavy: Małarosija, Biełarosija i Vialikarosija. I heta ich ščyraje bačańnie prablemy, heta ich bazavaje staŭleńnie da taho, što adbyvajecca va Ukrainie. Ludzi, jakija prymajuć rašeńni, adlustroŭvajuć mierkavańnie bolšaści našych suhramadzian. Chadzi spytaj u ludziej na vulicy, u Biełym domie abo Krasnaj płoščy — i vy atrymajecie pryblizna adnolkavy adkaz», — kaža rasijski žurnalist.
Na dumku rasijskaha žurnalista, hetaje bačańnie pryvodzić da sprobaŭ dałučeńnia Ukrainy i Biełarusi da Rasii.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary