Jeŭrakamisija hatovaja harantavać pahašeńnie zapazyčanaści Ukrainy za rasiejski haz u pamiery $3,1 młrd.
Pra heta zajaviŭ ministr enierhietyki Rasii Alaksandr Novak na sustrečy z premjer-ministram Rasii Dźmitryjem Miadźviedzievym.
U pryvatnaści, Novak paviedamiŭ, što 26 vieraśnia ŭ chodzie trochbakovych pieramovaŭ abmierkavany hrafik restrukturyzacyi zapazyčanaści da kanca hoda.
«Na siońnia Jeŭrakamisija hatovaja harantavać pahašeńnie zapazyčanaści ŭ pamiery $3,1 młrd, i adpaviedny hrafik my abmierkavali», — skazaŭ jon.
Jak paviedamlałasia, 26 vieraśnia na trochbakovych pieramovach u Bierlinie ŭ farmacie Ukraina-Rasija-ES abmiarkoŭvaŭsia kampramis dla vyrašeńnia sprečnych hazavych pytańniaŭ pamiž Kijevam i Maskvoj.
Tady Jeŭrakamisija prapanavała Ukrainie zakupić u rasiejskaha «Hazproma» na ŭmovach pieradapłaty za 5 młrd kubamietraŭ pryrodnaha hazu pa canie $ 385 za tysiaču kubamietraŭ dla prachodžańnia asieńnie-zimovaha pieryjadu.
Vice-prezident Jeŭrapiejskaj kamisii Hiunter Etynhier pa vynikach trochbakovych pieramoŭ paviedamiŭ, što NAK «Naftahaz Ukrainy» i «Hazprom» chočuć zaklučyć časovy hazavy kantrakt, jaki budzie dziejničać da kanca sakavika 2015 hoda, pakul Stakholmski arbitraž nie prymie rašeńnie pa hazavaj sprečcy.
Akramia taho, vice-prezident JEK adznačyŭ, što była dasiahnutaja damoŭlenaść ab vypłacie Ukrainaj hazavaha doŭhu ŭ pamiery $2 młrd da kanca kastryčnika 2014 hoda, a da kanca hoda — jašče $1,1 młrd.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary