27 listapada ŭpieršyniu ŭ našaj krainie pačniecca «Čornaja piatnica» — masavaja raspradaža tavaraŭ pa źnižanych koštach.
Dahetul biełarusam nie było viadoma niešta padobnaje. Zastavałasia tolki pahladać na zachodnich susiedziaŭ, jakija ŭ pieradnavahodni čas mahli prydbać roznyja rečy ź istotnymi źnižkami. Ciapier ža i ŭ biełarusaŭ jość mahčymaść skarystacca ščodraściu ajčynnych pradaŭcoŭ, praŭda, tolki z adnoj asablivaściu — źnižki buduć prapanoŭvacca tolki ŭ Internet-kramach.
Dziela taho, kab pryniać udzieł va ŭsiebiełaruskaj raspradažy, možna skarystacca śpiecyjalnym sajtam. Na hetaj Internet-staroncy možna budzie atrymać infarmacyju pra tavary, jakija buduć pradavacca sa źnižkami, a paśla pierajści na sajt pradaŭca. Arhanizatary paviedamlajuć, što
źnižki mohuć składać da 70%.
Akcyja pačniecca 27 listapada a 19.00 i praciahniecca try dni.
Siarod kram, jakija prymuć udzieł u akcyi, takija viadomyja pradaŭcy, jak aliexpress.com, sity.by, wildberries.by. Usiaho pradstaŭlena bolš za 20 kram — biełaruskich i zamiežnych.
Pieršapačatkova «Čornaja piatnica» — heta piatnica paśla Dnia Padziaki ŭ ZŠA (čaćviorty čaćvier listapada). Niaredka hety dzień razhladajecca jak pačatak siezonu kaladnych raspradaž. Zvyčaj ładzić raspradažy ŭ hety dzień źjaviŭsia jašče ŭ XIX stahodździ. A nazvaj «Čornaja piatnica» pačali karystacca ŭ 1966 hodzie. Z-za taho, što Dzień Padziaki adznačajecca ŭ čaćviorty čaćvier listapada, «Čornaja piatnica» vypadaje ŭ pramiežak z 23 pa 29 listapada.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie3
Kamientary