Druhi prezident Ukrainy Leanid Kučma zajaviŭ, što novy raund pieramoŭ pa ŭrehulavańni situacyi na Danbasie moža prajści ŭ Biełarusi na nastupnym tydni.
Hetyja sustrečy prachodziać u Minsku ŭ farmacie «Rasija — Ukraina — ABSIE», Kučma pradstaŭlaje na ich Ukrainu.
U pačatku vieraśnia pierahavorščyki damovilisia ab pieramirji, ale jano rehularna parušajecca.
20 listapada ŭ AAN paviedamlali, što za čas prypynieńnia ahniu tolki pa aficyjnych dadzienych zahinuli kala tysiačy čałaviek.
«Nastupny raŭnd (pieramovaŭ) moža być na nastupnym tydni», - skazaŭ Leanid Kučma žurnalistam u Kijevie. Pavodle jaho słoŭ, minskija damoŭlenaści źjaŭlajucca «asnovatvornym dakumientam».
«Ahoń nie spyniŭsia, ale ja liču, što heta asnovatvorny dakumient, na jaki spasyłajecca ŭvieś śviet, i važna, što podpis pad im pastaviła i Rasija», — adznačyŭ Kučma.
U kiraŭnictvie samaabvieščanaj «Danieckaj narodnaj respubliki» tym časam zajavili, što pakul nie majuć infarmacyi ab pasiadžeńni kantaktnaj hrupy.
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach3
Kamientary