U Minsku ŭ čarhovy raz daražeje prajezd u hramadskim transparcie. Rašeńnie Minharvykankama № 3000 ad 27 listapada apublikavanaje siońnia na Nacyjanalnym pravavym internet-partale, a nabudzie moc 14 śniežnia, paviedamili ŭ «Minsktransie».
Košt adnoj pajezdki ŭ aŭtobusie, tralejbusie, tramvai i mietro składzie 4.500 rubloŭ (raniej — 4.000). Pry kupli tałona ŭ vadziciela naziemnaha hramadskaha transpartu pajezdka budzie kaštavać 5.000 rubloŭ. Prajezd u aŭtobusach ekspres-maršrutaŭ składzie 6.000 rubloŭ.
Padaraželi prajaznyja bilety. Tak, na adzin vid transpartu košt prajaznoha na miesiac składaje 202.500 rubloŭ, na paŭmiesiaca — 108.000, na dekadu — 71.300, na dva vidy transpartu — 270.300, 142.400 i 95.100 adpaviedna, na try vidy — 322.200, 169.300 i 112.900, na čatyry — 364.500, 192.9000 i 128.000, na aŭtobus ekspres — 270.000, 144.000 i 95.000 rubloŭ.
Košt prajaznych dakumientaŭ na mietro składaje: na 10 kalandarnych dzion — 71.300 rubloŭ, 15 dzion — 108.000, 30 dzion — 202.500.
Košt prajaznych dakumientaŭ na peŭnuju kolkaść pajezdak na ŭsie vidy transpartu składzie: na 5 pajezdak — 22.100 rubloŭ, 10 — 42.800, 20 — 83.700, 30 — 122.900, 40 — 160.200, 50 — 195.800, 60 — 229.500. Pravoz ručnoj pakłažy ŭ haradskim transparcie — 4.500 rubloŭ za adno miesca.
«Taryfy na haradskija pieravozki pasažyraŭ aŭtobusami z dazvolenaj maksimalnaj masaj mienšaj za 5.000 kh ekspresnych maršrutaŭ u rehularnych znosinach u horadzie Minsku ŭstanaŭlivajecca jurydyčnymi asobami i indyvidualnymi pradprymalnikami, jakija ažyćciaŭlajuć zhadanyja pieravozki, na asnovie płanavych zatrat, padatkaŭ i inšych abaviazkovych płaciažoŭ, ustanoŭlenych zakanadaŭstvam, i prybytku z ulikam kanjunktury rynku, raźličanaj zychodziačy z narmatyvu rentabielnaści nie bolšaj za 15%», — havorycca ŭ rašeńni Minharvykankama.
Papiaredniaje pavyšeńnie taryfaŭ było 9 žniŭnia 2014 hoda. Tady prajezd padaražeŭ z 3.700 da 4.000 rubloŭ za adnu pajezdku.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary