Trochrazovaja alimpijskaja čempijonka, bijatłanistka Darja Domračava i alimpijski čempijon Sočy Anton Kušnir pryznanyja najlepšymi spartsmienami Biełarusi 2014 hoda pavodle apytańnia haziety «Sportivnaja panorama». Apytańnie pravodziłasia 56 raz siarod spartyŭnych žurnalistaŭ, što pracujuć u drukavanych i elektronnych krainy.
Udzieł u apytańni ŭziali 106 čałaviek. Biassprečnaje pieršaje miesca zaniała Darja Domračava z 1052 bałami. Sa 106 žurnalistaŭ na pieršaje miesca jaje pastaviŭ 101 čałaviek.
Druhoje miesca ŭ taksama alimpijskaj čempijonki Sočy-2014, frystajlistki Ały Cupier (871 bał, try pieršyja miescy siarod žurnalistaŭ, 45 — druhich, 50 — trecich). Treciaje miesca (i mužčynskaje pieršaje) zaniaŭ Anton Kušnir z 847 bałami (u jaho dva pieršyja, 48 druhich, 40 trecich miescaŭ).
U dziasiatku taksama ŭvajšli: Nadzieja Skardzina (bijatłon, 653 bały), Andrej Kraŭčanka (lohkaja atletyka, 420), Mielicina Staniuta (mastackaja himnastyka, 286), Maryna Arzamasava (lohkaja atletyka, 245), Siarhiej Rutenka (handboł, 232), Jaŭhien Curkin (płavańnie, 102), Alena Amialusik (viełasport, 101).
Usiaho žurnalisty nazyvali imiony 78 spartsmienaŭ.
najlepšaj kamandaj u hulniavych vidach sport nazvana mužčynskaja zbornaja pa handbole (za jaje prahałasavali 49 čałaviek), pa niehulniavych — zbornaja pa mastackaj himnastycy (42), najlepšym trenieram — trenier frystajlistaŭ Mikałaj Kazieka (60).
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ52
Kamientary