«Nacbank hatovy pryniać bolš rašučyja kroki pa stymulavańni źbieražeńniaŭ u biełaruskich rublach», — zapeŭniŭ siońnia pieršy namieśnik staršyni Nacyjanalnaha banka Taras Nadolny.
Paśla hetaj zajavy niekatoryja kamiercyjnyja banki pierahledzieli svaje ŭmovy pa depazitach u nacyjanalnaj valucie — staŭki pavysilisia da 50% hadavych. Jašče ŭ pačatku tydnia maksimum byŭ na ŭzroŭni 30%.
U Delta Banku 19 śniežnia źjaviŭsia depazit «Najlepšy». Za 15 dzion źbieražeńni pryniasuć prybytak u 50% hadavych: 178 000 rubloŭ z 10 miljonaŭ. Heta minimalny pieršapačatkovy ŭznos.
Pracent pa ŭkładach pavysiŭ i Choum Kredyt Bank. Tut pad 50% hadavych na dva tydni možna raźmiaścić depazit «15 karat». Minimalnaja suma — miljon rubloŭ.
Na układzie «Lohki vybar» za miesiac možna zarabić 45% hadavych.
MTBiełki ad MTBanka za hety ž čas pryniasuć jašče bolšy dachod - 50% hadavych. Atrymlivajecca, što na kožnym ŭkładzienym miljonie za 30 dzion možna zarabić 43 tysiačy rubloŭ.
Ideja Bank prapanuje klijentam na vyhadnych umovach raźmiaścić svaje źbieražeńni na ŭkład «Na padarunki». U pieršy miesiac pracentnaja staŭka budzie 50% hadavych, potym źnizicca da 25% (SR + 5 pracentnych punktaŭ).
Z 19 śniežnia BPS-Śbierbank pierahledzieŭ ŭmovy pa ŭkładu «Pora siurpryzaŭ». Tut možna na try miesiacy raźmiaścić ad miljona rubloŭ. Dachod za pieršy miesiac składzie 50% hadavych, praŭda, na pakinuty čas źnizicca da 27-28% hadavych.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary