Pa vykanańni standartaŭ NATA i sa zhody hramadzian Ukraina budzie siabram aljansu i Jeŭrapiejskaha Sajuza. Ab hetym skazaŭ kiraŭnik Minabarony Polščy Tomaš Siamoniak u efiry polskaha Radio Zet.
«Dekłaracyja prezidenta Parašenka ab admovie ad pazabłokavaha statusa vielmi važnaja. Dumaju, heta byŭ pieršy krok, i dačakajem času, kali Ukraina budzie ŭ NATA», — miarkuje ministr.
Jon padkreśliŭ, što NATA pavinna być adkrytym dla novych členaŭ i dla Ukrainy ŭ pryvatnaści.
«Ukraina pavinna vykanać standarty, a pierš za ŭsio ŭkrainskaje hramadstva pavinna imknucca da siabroŭstva ŭ NATA. Nichto na śviecie nie maje prava hetaha błakavać. Dumaju, heta niepaźbiežny praces, i Ukraina budzie ŭ NATA i ŭ Jeŭrasajuzie», — upeŭnieny Siamoniak.
Akramia taho, ministr abarony Polščy stanoŭča acaniŭ rolu prezidenta Biełarusi ŭ pieramovach pa ŭrehulavańni kanfliktu ŭ Ukrainie, ale havaryć ab jeŭraatłantyčnaj intehracyi Biełarusi pakul vielmi rana, bo heta pytańnie demakratyi i pravoŭ čałavieka.
«Prezident Łukašenka bačyć, u jaki bok idzie palityka Pucina, i takija krainy jak Kazachstan, Biełaruś nie biez padstaŭ mohuć bajacca taho, što stanuć nastupnymi achviarami ŭśled za Ukrainaj», — skazaŭ kiraŭnik Minabarony Polščy.
Nahadajem, raniej prezident Ukrainy Piatro Parašenka zajaŭlaŭ, što Ukraina moža spryjać raźvićciu adnosin Biełarusi z krainami ES u ramkach Uschodniaha partniorstva.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary