6 studzienia spoŭniłasia 65 hadoŭ Biełaruskaj redakcyi Radyjo Vatykana.
Vatykanskaje radyjo — heta radyjostancyja Apostalskaj Stalicy ź siadzibaj u horadzie-dziaržavie Vatykan. Zasnavana Huljelmam Markoni i ŭračysta adkryta Pijem CHI 12 lutaha 1931 h.
Na siońnia naličvaje bolš za try dziasiatki redakcyj, što viaščajuć na nacyjanalnych movach.
Viaščańnie pa-biełarusku pačałosia 65 hadoŭ tamu.
U 1949 h. inicyjatyŭnaja hrupa, u jakuju ŭvachodzili niekatoryja biełarusy, siarod jakich ks. Piotr Tatarynovič, a. Leŭ Haroška, a. Česłaŭ Sipovič (u budučyni biskup), a taksama inžynier Rydleŭski, pačała namahańni, kab Papskaje radyjo tranślavała svaje prahramy i na biełaruskaj movie. Padčas asabistaj aŭdyjencyi ŭ papy Pija CHII, jany pradstavili Śviatomu Ajcu zvarot z prośbaj dazvolić zasnavać prahramu dla biełarusaŭ.
Pantyfik daŭ svaju zhodu, i 6 studzienia 1950 h. pačałasia rehularnaja tranślacyja prahram pa-biełarusku.
Mienavita Vatykanskaje radyjo stała pieršaj radyjostancyjaj za miežami Biełarusi, jakaja pačała viaščańnie na biełaruskaj movie. Pieršym dyrektaram Biełaruskaj siekcyi Vatykanskaha radyjo staŭ a. Piotr Tatarynovič.
Biełaruskaja prahrama Vatykanskaha radyjo pieradavała naviny ab žyćci Kaścioła ŭ śviecie i dziejnaści pantyfika. Vialikaja častka prahram była pryśviečana relihijnym i adukacyjnym temam.
Siońnia Biełaruskaj redakcyjaj kiruje a. Alaksandr Amialčenia.
- .
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary