BČ skaraciła termin viartańnia bileta pry spaźnieńni pasažyra da 1 hadziny
Biełaruskaja čyhunka źmianiła termin viartańnia prajaznych dakumientaŭ u mižnarodnym ruchu ŭ vypadku spaźnieńnia pasažyra na ciahnik z 3 da 1 hadziny, paviedamili ŭ pres-słužbie BČ.
«Z 1 studzienia biahučaha hoda ŭ vypadku spaźnieńnia pasažyra na ciahnik mižnarodnaha ruchu viarnuć košt prajaznoha dakumienta (jaho biletnuju častku) možna tolki na praciahu 1 hadziny paśla adpraŭleńnia ciahnika. Raniej viartaŭsia košt kvitka, kali ab spaźnieńni ŭ biletnuju kasu było zajaŭlena na praciahu 3 hadzin», — prainfarmavali ŭ pres-słužbie BČ.
Z 1 studzienia biahučaha hoda ŭniesieny źmieny ŭ praviły pieravozki pakajovych žyvioł. Tak, u mižnarodnym ruchu pieravozka sabak, katoŭ i ptušak dapuskajecca tolki ŭ asobnym kupe kupejnaha vahona, pieravozić možna nie bolš za dźvie žyvioły. Pry hetym pasažyru nieabchodna apłacić prajezd za pieravozku žyvioł pa poŭnym taryfie pa liku niezaniatych miescaŭ u kupe. Pry adsutnaści ŭ pieravozčyka mahčymaści dać asobnaje kupe dla pieravozki žyvioł takaja pieravozka nie dapuskajecca.
Pakajovyja žyvioły (sabaki, koški, ptuški) pavinny być źmieščany ŭ skryni, košyki, kletki i svabodna raźmiaščacca na miescach, adviedzienych dla pieravozki ručnoj pakłažy. Sabaki, nie źmieščanyja ŭ admysłovuju taru, pavinny mieć namordnik i łancužok.
Pasažyr niasie poŭnuju adkaznaść za parušeńnie sanitarna-hihijeničnych patrabavańniaŭ pieravoziacca im žyvioł i ptušak i abaviazany zabiaśpiečyć adpaviednuju ŭborku vahona. Pry hetym pasažyram-ślapym dazvalajecca pravozić z saboj sabak-pavadyroŭ ŭ ahulnych i płackartnych vahonach biez dadatkovaj apłaty. Pry pravozie sabak-pavadyroŭ ŭ adnym kupe kupejnaha vahona pasažyr abaviazany apłacić pajezdku pa poŭnym taryfie pa liku niezaniatych miescaŭ u kupe.
Źmieny ŭviedzienyja ŭ dziejańnie ŭ adpaviednaści z novaj redakcyjaj dadatku 1 da AP PMPR «Pahadnieńnie ab mižnarodnym pasažyrskim ruchu z ulikam asablivaściaŭ prymianieńnia jaho asobnych normaŭ u dziaržavach — udzielnicach Sadružnaści Niezaležnych Dziaržaŭ, Hruzii, Łatvijskaj Respubliki, Litoŭskaj Respubliki, Estonskaj Respubliki». Novaja redakcyja była pryniata na 61-m pasiadžeńni Savieta pa čyhunačnym transparcie krain Sadružnaści, jaki prachodziŭ u kastryčniku 2014 hoda ŭ Baku.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary