Usio skončana. Dva z pałovaj dni chaosu ŭ Paryžy i pryharadach. 15 cyvilnych i palicejskich zabityja. Troje padazravanych miortvyja, paviedamlaje karespandent Bi-Bi-Si.
Padobna na toje, što abodva šturmy pačalisia sinchronna.
AFP paviedamiła, što zakładnik, jakoha ŭtrymlivali ŭ Damartenie braty Kuašy, vyzvaleny i znachodzicca ŭ biaśpiecy.
Radyjostancyja BFMTV paviedamlaje, što braty Kuašy nie brali zakładnika ŭ Damartienie. Mahčyma, adzin z supracoŭnikaŭ drukarni schavaŭsia ŭnutry, i braty navat nie viedali pra heta. Jak pieradaje karespandent Bi-bi-si ŭ Paryžy, hety supracoŭnik ciaham usiaho dnia tajemna infarmavaŭ palicyju. Aficyjnaha paćvierdžańnia hetych źviestak pakul niama.
Karespandent AR paviedamiŭ tady ž, što bačyŭ, jak palicejskija biaruć šturmam supiermarkiet kašernych praduktaŭ u 20-j akruzie Paryža. Adna žančyna vybiehła na vulicu. Miarkujuć, što siarod zakładnikaŭ — žančyny i dzieci.
Krynica ahienctva AFP paviedamiła, što braty Kuašy vybiehli na vulicu, stralajučy ŭ bok palicejskich. Pavodle infarmacyi palicyi, jany zastrelenyja palicyjaj.
Złačyniec, što zachapiŭ zakładnikaŭ u kašernaj kramie na ŭschodzie Paryža taksama zabity, paviedamiła hazieta Le Monde.
U vyniku šturmu kramy byli vyzvalenyja 15 zakładnikaŭ, paviedamlaje ahienctva AP sa spasyłkaj na nienazvanaha izrailskaha čynoŭnika.
Hibiel čaćviarych zakładnikaŭ aficyjna paćvierdziŭ francuzski prezident u svaim telezvarocie.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie27
Kamientary