Fłot ZŠA skončyŭ vyprabavańni pieršaj całkam intehravanaj u vajennuju sietku pieradačy dadzienych avijabomby Joint Standoff Weapon (JSOW) C-1, paviedamiŭ aficyjny sajt navair.navy.mil.
Bomba JSOW S-1 traplaje ŭ cel. Fota navy.mil
Kiravanaja bomba prademanstravała svaju efiektyŭnaść suprać nieruchomych i ruchomych celaŭ na ziamle i na mory. Na ŭzbrajeńnie jaje płanujuć pastavić u 2016 hodzie.
Celi dla jaje mohuć zadavać praz pastajanna pracujučy kanał pieradačy dadzienych, jaki moža abjadnoŭvać u adzinuju sietku samaloty, karabli i naziemnyja častki. Bombu možna skinuć ź vialikaj vyšyni na adlehłaści da 116 km ad celi, i jana budzie płaniravać, karektujučy svoj kurs u vypadku patreby.
U zaležnaści ad celi, bojeprypas vahoj da 450 kh moža być kasietnym, kłasičnym antybunkiernym ci vykarystoŭvać 2-stupiennuju bojehałoŭku BROACH.
U paraŭnańni z rakietami, jakija musiać mieć ruchavik i zapas paliva dla jaho, kiravanyja bomby majuć kudy bolšuju dolu karysnaj vahi — da 70-90%. Pry hetym dalokaść dziejańnia kiravanych bomb nie sastupaje dalokaści mnohich rakiet.
Kamientary