Raskosmas pakazaŭ alternatyŭnuju Soniečnuju sistemu VIDEA
Vierahodna, rasijskim navukoŭcam i kasmanaŭtam pryjdziecca admovicca ad palotu na Miesiac, ale ad maraŭ pra kosmas ich nie advučyć.
Telestudyja «Raskosmasa» pradstaviła dva videaroliki, dzie pakazvaje, što było b u alternatyŭnych viersijach našaj Soniečnaj sistemy.
Kali b zamiest Sonca byli inšyja zorki
Kali b zamiest Miesiaca byli inšyja płaniety soniečnaj sistemy
Jak raspavioŭ «Našaj Nivie» namieśnik načalnika telestudyi Raskosmasa Juryj Rubcoŭ, videa u volny čas zrabiŭ Mikałaj Udovin. Roliki z alternatyŭnaj historyjaj Soniečnaj sistemy niekamiercyjnyja i zroblenyja astranomam-amataram dziela ŭłasnaha zadavalnieńnia.
«Heta ŭsio fantazija, ale blizkaja da realnaści. Viadomyja ža peŭnyja pamiery niabiesnych cieł, viadomyja adlehłaści», — tłumačyć Rubcoŭ.
Pavodle jaho słoŭ, Mikałaj dumaje i ab inšych padobnych prajektach. Udovin — aŭtar internet-prahramy «Kaśmičnaje asiarodździe» i siužetaŭ prahramy «Kasmanaŭtyka» na telekanale «Rasija-24». Na sajcie Raskosmasa možna znajści fota Sonca i Miesiaca, što Mikałaj zdymaje ŭ teleskop.
Telestudyja Raskosmasa zajmajecca prapahandaj kasmanaŭtyki, kaśmičnych daśledavańniaŭ. Užo 10 hadoŭ stvaraje prahramu «Kasmanaŭtyka» i dakumientalnyja filmy dla telekanała «Rasija-24», zajmajecca šeraham interniet-prajektaŭ. «Kosmas daloka nie vyvučany, ale takim čynam my pakazvajem, jak idzie vyvučeńnie ŭ Rasii i za miažoj», — kaža Rubcoŭ. Pavodle jaho słoŭ, toje, jak utvaraŭsia Suśviet, siońnia viedaje «tolki adna istota».
Kamientary