Inakš kanflikt va Ukrainie moža pajści pa juhasłaŭskim scenary, kaža Hienadź Korban.
«Jašče hoda nie prajšło, a my ŭžo stamilisia ad hetaj vajny, — zajaviŭ namieśnik kiraŭnika Dnieprapiatroŭskaj abłasnoj dziaržadministracyi Hienadź Korban u intervju Hramadskamu telebačańniu. — A jašče — niekalki hadoŭ, sapraŭdy, kryvavych paru hadoŭ… Jość dva vychady: pieršy — vajennaje vyrašeńnie pytańnia, druhi — damaŭlacca. Kab damaŭlacca, treba ŭmieć pahłybicca ŭ detali i realizavać ich u žyćci», — adznačyŭ Korban, pravaja ruka miljardera Kałamojskaha, što ŭznačalvaje Dnieprapiatroŭskuju abładministracyju ad momantu pačatku rasijskaj ahresii.
«Ciapier, kali vykarystoŭvać šachmatnuju terminałohiju, situacyja cuhcvanhu — kožny nastupny zrobleny krok zaviedama nievyhadny», — dadaŭ Korban.
«Miascovyja palityki pavinny zrazumieć — kali ŭ ich nie vyjšaŭ blic-kryh, treba źniać karonu i damaŭlacca, jak heta robiać i ŭ biznesie. Nie viedaju, z kim, mahčyma i z Zacharčankam [lidar «DNR» Alaksandr Zacharčanka)», — adznačyŭ Korban.
Kałamojski i Korban vystupajuć sponsarami šerahu dobraachvotnickich bataljonaŭ, što vajujuć u Danbasie na pieradavoj. Ukrainskija ŭłady mocna ceniać taksama toj fakt, što Kałamojskamu ŭdałosia ŭtrymać stabilnaść u Dnieprapiatroŭsku, što pieratvaryŭsia ŭ bastyjon u tyle Danbasa.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary