Prezident ZŠA Barak Abama padčas telefonnaj razmovy z prezidentam Rasii Uładzimiram Pucinym pieraściaroh Maskvu ad praciahu «ahresiŭnych dziejańniaŭ» pa staŭleńni da Ukrainy. Pra heta paviedamlaje Bieły dom.
Jak adznačajecca, prezident padkreśliŭ važnaść dasiahnieńnia i realizacyi mirnaha ŭrehulavańnia, jakoje padmacavana abaviazacielstvami pa minskim pahadnieńni.
«Tym nie mienš, kali Rasija praciahnie svaje ahresiŭnyja dziejańni na Ukrainie, u tym liku šlacham adpraŭki vojskaŭ, zbroi i finansavańnia dla padtrymki sieparatystaŭ, cana, jakuju jana zapłacić, budzie pavialičana», — adznačajecca ŭ paviedamleńni pazicyja amierykanskaj administracyi.
Jak adznačajecca, Abama znoŭ zajaviŭ ab padtrymcy Amierykaj suvierenitetu i terytaryjalnaj cełasnaści Ukrainy. Jon zrabiŭ akcent na roście kolkaści čałaviečych achviar u vyniku bajavych dziejańniaŭ.
Akramia taho, prezident ZŠA padkreśliŭ važnaść taho, kab Pucin dla dasiahnieńnia mirnaha ŭrehulavańnia skarystaŭsia mahčymaściu, pradstaŭlenaj u chodzie pieramovaŭ pamiž Rasijaj, Francyjaj, Hiermanijaj i Ukrainaj, jakija pavinny buduć adbycca ŭ Minsku ŭ sieradu.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary