Anhiełu Mierkiel prapanujuć vyłučyć na Nobieleŭskuju premiju za pieramovy ŭ Minsku
Jak paviedamlajuć niamieckija ŚMI, deputaty Bundestaha zaklikajuć uručyć kancleru Niamieččyny Anhiele Mierkiel Nobieleŭskuju premiju miru paśla taho, jak padčas pieramovaŭ ź jaje ŭdziełam u Miensku byli dasiahnutyja damoŭlenaści ŭ spravie mirnaha ŭrehulavańnia situacyi na ŭschodzie Ukrainy.
«Toje, čaho spadarynia Mierkiel razam z prezidentam Francyi Alandam dasiahnuli ŭ Minsku, nievierahodna. Kali dziakujučy hetamu ŭstalujecca praciahły mir, Nobieleŭskaja premija za takoje dasiahnieńnie budzie łahičnym krokam», — zajaviŭ u intervju vydańniu «Bild am Sonntag» deputat Bundestaha i staršynia niamiecka-ŭkrainskaj parłamienckaj hrupy Karł-Hieorh Vielman. Pry hetym palityk zaściaroh ad zaŭčasnaha aptymizmu, pakolki, pa jaho słovach, pakul havorka idzie ab režymie spynieńnia ahniu, nie majučy nijakich harantyj, što pahadnieńnie vykonvajecca.
Deputatka Bundestaha Silvija Pancialej hetaksama padtrymała ideju ab uručeńni niamieckaj kanclercy premii miru:
«Tady, jak inšyja palityki sprabujuć sutyknuć iłbami narody Jeŭropy, Anhieła Mierkiel bačyć svaju misiju ŭ abjadnańni kantynienta i dalejšym prasoŭvańni vialikaha prajektu maci i baćkoŭ abjadnanaj Jeŭropy», — ličyć Silvija Pancialej.
Kamientary