Štodzionnaja zdabyča nafty prykładna na 1,5 młn barelaŭ pieravyšaje spažyvańnie. Ńju-Jorkskaja tavarnaja birža abviaściła ab stvareńni fjučersa na prava zachoŭvańnia nafty.
Ceny na naftu, jakija bolš-mienš stabilizavałasia na ŭzroŭni $60 za barel, znoŭ mohuć abrynucca z-za niedachopu miesca ŭ schoviščach, papiaredžvaje Wall Street Journal.
Zapasy syroj nafty ŭ ZŠA dasiahnuli najbolšaha za apošnija 80 hadoŭ ŭzroŭniu, u vyniku čaho schoviščy nafty akazalisia zapoŭnienymi prykładna na 70%. U inšych krainach volnaha miesca ŭ schoviščach zastałosia jašče mienš: u Japonii — nie bolš za 20%, a ŭ jeŭrapiejskich krainach — u lepšym vypadku 10%.
Na dumku ekśpiertaŭ WSJ, takaja situacyja moža abiarnucca novym abvałam naftavych koštaŭ. Užo zusim chutka «lišniuju» naftu niama kudy budzie padzieć. U vyniku naftaviki buduć pradavać naftu tym niešmatlikim pakupnikam, u jakich budzie, dzie jaje zachoŭvać. I ŭžo, viadoma, pradavać daviadziecca ź vialikimi źnižkami.
Ńju-Jorkskaja tavarnaja birža abviaściła ab stvareńni fjučersa na prava zachoŭvańnia nafty. U zajavie placoŭki padkreślivajecca, što heta pieršy padobny fjučers ŭ śviecie. Pieršyja tarhi pavinny pačacca 29 maja.
Dla zapusku fjučersa NYMEX damoviłasia z kampanijaj, jakaja vałodaje portam u Łuizijanie, — Louisiana Offshore Oil Port (LOOP). Apošniaja pahadziłasia vystavić na tarhi mahčymaść zachoŭvańnia nafty na schoviščy Clovelly Hub.
U pačatku kožnaha miesiaca z dapamohaj adnoj z brokierskich kampanij budzie pravodzicca 30-chvilinny anłajn-aŭkcyjon. Na im LOOP budzie razyhryvać 7000 kantraktaŭ, jakija dajuć prava (ale nie abaviazvajuć) pakupnika zachoŭvać 1000 barelaŭ u Clovelly Hub na praciahu miesiaca. Užo paśla aŭkcyjonu kantrakty mohuć handlavacca na druhasnym rynku. U kancy miesiaca kančatkovy trymalnik fjučersa atrymlivaje prava źmiaścić naftu ŭ schovišča na 30 dzion. LOOP budzie pracavać tolki z tryma vidami syroj nafty, jakaja zdabyvajecca ŭ Mieksikanskim zalivie. Kožny ź ich užo handlujecca na NYMEX.
The Wall Street Journal miarkuje, što novy fjučers stanie papularnym siarod naftazdabytčykaŭ, transpartnych kampanij i naftachimičnych pradpryjemstvaŭ. Paźniej im mohuć zacikavicca finansavyja śpiekulanty.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary