«Isłamskaja dziaržava» zapuściła ŭłasnuju sacsietku
U papularnych suśvietnych sacyjalnych sietkach terarystaŭ nie vitajuć.
U niadzielu, 15 sakavika byŭ zapuščany kłon Facebook pad nazvaj CaliphateBook, paviedamlaje Reuters.
«Chalifatbuk» zarehistravany na imia Abu-Azana Musiba, jaki pražyvaje ŭ irakskim horadzie Masuł, jaki kantralujecca terarystami «Isłamskaj dziaržavy». Dla dostupu ŭ sacsietku možna prajści zvykłuju rehistracyju albo ŭvajści z akaŭntam Facebook.
Sacsietka prypyniła pracu ŭ chutkim časie paśla zapusku — jak paviedamlaje administracyja, z techničnych pryčyn.
Na dumku śpiecyjalistaŭ, sacsietka nie była hatovaja da vialikaha trafiku. «Chalifatbuk» śćviardžaje, što infarmacyja karystalnikaŭ ad prypynieńnia pracy nie paciarpieła.
***
Pryčynaj stvareńnia «Chalifatbuku» moža być niemahčymaść viadzieńnia prapahandy ŭ bujnych suśvietnych sacsietkach. Twitter, Facebook, Youtube i inšyja błakujuć akaŭnty terarystaŭ dy vydalajuć ich zapisy.
Niekatoryja tym časam ličać, što baraćba z terarystami ŭ sacsietkach viadziecca niedastatkova aktyŭna. Hrupoŭka Anonymous apublikavała bolš za 9 tysiač niezabłakavanych Twitter-akaŭntaŭ, čyich aŭtaraŭ padazrajuć u suviaziach z terarystami. Pradstaŭniki hrupoŭki ŭžo ŭzłamali 90 takich akaŭntaŭ.
Daśledčyki śćviardžajuć, što za 2014 hod IDzIŁ vykarystoŭvała tolki ŭ Twitter 46 tysiač akaŭntaŭ u metach prapahandy i viarboŭki. Twitter tym časam vydaliŭ 2 tysiačy akaŭntaŭ terarystaŭ, za što zasnavalnik servisu atrymaŭ piersanalnyja pahrozy pradstaŭnikoŭ IDzIŁ.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary