Biełaruś vielmi zacikaŭlena ŭ tym, kab bolš ciesna supracoŭničać z Zachadam pa šerahu kirunkaŭ.
Ab hetym zajaviŭ Alaksandr Łukašenka na sustrečy ź jeŭrakamisaram pa jeŭrapiejskaj palitycy susiedstva i pieramovaŭ ab pašyreńni ES Jochaniesam Chanam, jaki znachodzicca ź vizitam u Minsku.
Pa słovach Łukašenki, Biełaruś zacikaŭlena ŭ bolš ciesnym supracoŭnictvie ź Jeŭrapiejskim sajuzam u halinie technałohij, pierš za ŭsio hramadzianskaha pryznačeńnia, u raźvićci ekanamičnych kantaktaŭ. Na dumku biełaruskaha lidara, ekanomika pavinna być padmurkam lubych adnosin i supracoŭnictva.
Łukašenka adznačyŭ, što vielmi aktualizavany apošnim časam taki napramak, jak biaśpieka, asabliva va ŭschodnim rehijonie Jeŭropy.
Akramia taho, važnym źjaŭlajecca ŭzajemadziejańnie pa spynieńni transhraničnaj złačynnaści. Kiraŭnik dziaržavy padkreśliŭ, što Biełaruś unosić istotny ŭkład u baraćbu z praniknieńniem narkotykaŭ, jadziernych rečyvaŭ na terytoryju Jeŭropy. «Miarkuju, što hety kirunak užo ŭ bližejšy čas budzie ŭsio bolš i bolš ŭjaŭlacca aktualnym», — skazaŭ kiraŭnik biełaruskaj dziaržavy.
«Jość vielmi šmat napramkaŭ supracoŭnictva», - reziumavaŭ Łukašenka. Jon prapanavaŭ abmierkavać bačańnie Jeŭrasajuzam pierśpiektyŭ supracoŭnictva ź Biełaruśsiu.
«Mianie hetaje pytańnie bolš za ŭsio cikavić, kab adkarektavać, a mahčyma, i zbudavać u budučyni našu palityku ŭ dačynieńni da Jeŭrapiejskaha sajuza», — padkreśliŭ Łukašenka.
«Chaciełasia b, kab Uschodniaje partniorstva było pierafarmatavana sa zvyčajnaj palityki da bolš ciesnaha kankretnaha supracoŭnictva, zasnavanaha na vyrašeńni ekanamičnych prablem», — skazaŭ kiraŭnik biełaruskaj dziaržavy.
«I treba ŭsialak paźbiahać, choć nam u apošni čas heta ŭdajecca, raźvivać partniorstva nie suprać kaho b tam ni było, a za supracoŭnictva», — adznačyŭ jon, patłumačyŭšy, što maje na ŭvazie adnosiny z Rasijaj, Kitajskaj Narodnaj Respublikaj. «My nie dla hetaha stvarajem naša vymiareńnie. My jaho stvarajem dla taho, kab palepšyć žyćcio ludziej i zaścierahčy jeŭrapiejski kantynient», — dadaŭ biełaruski lidar.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary