Hurt Rahis praanansavaŭ vychad svajho novaha alboma samotnikam «Jeŭropa», jaki pabačyŭ śviet u 20-ju hadavinu padziei, jakaja raźviarnuła Biełaruś na uschod.
Tekst pieśni «Jeŭropa» byŭ stvorany ŭ pačatku 2000-ch, kali vakalist Rahis Dzianis Filipienka vyvučaŭ hieahrafiju va ŭniviersitecie i tolki maryŭ pra dalokija vandroŭki. Z taho času hramadzianie Biełarusi stali rekardsmienami śvietu pa šenhienskich vizach, a biełaruskaja moładź vyvučyła modnyja kaviarni susiednich stalic nia horš za minskija, adnak kraina zastajecca adkrytaj mientalna tolki na ŭschod, — miarkuje Dzianis i tłumačyć heta nastupstvami ad refierendumu 1995 hoda. «20 hadoŭ tamu byŭ stračany adzin šaniec. Napeŭna chutka pryjdziecca zrabić novy składany vybar. Jość nadzieja, što krytyčny rozum i pačućcio samazachavańnia biełarusaŭ pieramohuć strach i niaŭpeŭnienaść», – kaža lidar Rahis.
Sinhł «Jeŭropa» anansuje vychad druhoha poŭnafarmatnaha alboma hurtu Rahis, jaki atrymaŭ nazvu «Pamiž soncam i chmarami». Muzyki kažuć, što jon vyjšaŭ «bolš darosłym i intelihientnym» u paraŭnańni z debiutnikam «Sšytak z tekstami ŭ malunkach» (2010) i ŭ im byli realizavanyja ŭsie muzyčnyja zadumy. Reliz albomu maje adbycca ŭžo ŭ hetym miesiacy.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ70
Kamientary