Piać rasijskich arhanizacyj mohuć pravieryć na pradmiet «niepažadanaści»
Deputat Dziarždumy prosić Hieneralnuju prakuraturu pravieryć, ci dziejnaść piaci niekamercyjnych arhanizacyj nie pahražaje kanstytucyjnamu ładu Rasiei.
Vitalij Załačeŭski ź Liberalna-demakratyčnaj partyi, jaki ŭvachodzić u kamitet Dziarždumy pa spravach hramadzkich arhanizacyj, 25 traŭnia nakiravaŭ u Hienprakuraturu zapyt z prośbaj dać ukazańnie ab praviadzieńni pravierki arhanizacyj Fond Karnehi, Transparency International, Human Rights Watch, Amnesty International i fondu «Miemaryjał» «na pradmiet pradstaŭleńnia imi pahrozy asnovam kanstytucyjnaha ładu Rasiei, abaranazdolnaści krainy abo biaśpieki dziaržavy».
U vypadku vyjaŭleńnia i paćvierdžańnia takoj infarmacyi deputat prosić pryznać hetyja arhanizacyi niepažadanymi na terytoryi Rasii i pryniać miery prakurorskaha reahavańnia ŭ adpaviednaści ź dziejnym rasiejskim zakanadaŭstvam.
Na minułym tydni prezydent Rasiei Ŭładzimir Pucin padpisaŭ zakon ab niepažadanych arhanizacyjach. Zhodna z zakonam, niepažadanaj moža być pryznana niaŭradavaja arhanizacyja, «jakaja pradstaŭlaje pahrozu asnovam kanstytucyjnaha ładu, abaranazdolnaści i biaśpiecy dziaržavy». Adpaviednaje rašeńnie prymajecca hieneralnym prakuroram abo jaho namieśnikami pa ŭzhadnieńni z MZS Rasiei. Pieralik niepažadanych arhanizacyj budzie vieści i publikavać Ministerstva justycyi.
Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam7
Kamientary