Rasijski pravasłaŭny miljanier uciok u Nahorny Karabach i raspradaje majomaść
Rasijski pradprymalnik, zasnavalnik biržy «Alisa» Hierman Ścierlihaŭ pakinuŭ Rasiju i raspradaje majomaść. 4 lipienia jon uciok u Nahorny Karabach.
«Kali jon vierniecca, nieviadoma, ale abaviazkova vierniecca. Źjechać jaho vymusili surjoznyja abstaviny. Heta nie bandyty, nie, heta ŭzrovień vyšej», — raspaviała pamočnica Ścierlihava.
Na prodaž vystaŭlenyja žyvioły ź fiermierskaj haspadarki biznesmiena. Aproč taho, raspradajecca aŭtapark Ścierlihava.
Rasijskija ŚMI paviedamlali, što biznesmien moh stać fihurantam kryminalnaj spravy nieanacysckaj arhanizacyi «Born», členy jakoha asudžanyja za zabojstva advakata Stanisłava Markiełava i žurnalistki Anastasii Baburavaj.
Ścierlihaŭ — stvaralnik pieršaj u SSSR biržy «Alisa» i pieršy aficyjny saviecki miljanier. U roli adnaho z uładalnikaŭ «Trunnaj kantory bratoŭ Ścierlihavych» jon vyłučaŭ svaju kandydaturu na vybarach hubiernatara Krasnajarskaha kraju (2002) i na vybarach mera Maskvy (2003). Sprabavaŭ uziać udzieł u vybarach prezidenta Rasii (2004): paśla taho, jak jamu admovili ŭ rehistracyi kandydatam, źjechaŭ z Maskvy i pasialiŭsia razam z žonkaj i dziećmi na padmaskoŭnym chutary. U siaredzinu 90-ch jon byŭ abrany «predvadzicielem maskoŭskaha dvaranstva». Na vizitoŭcy jon padpisvajecca jak «Aŭcavod, husievod, trusavod».
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie2
Kamientary