Biełaruś vyrablaje ŭsio bolš małaka, pryčym pačali raści nadoi na karovu
Pa stanie na 5 žniŭnia, kožnaja karova daje za dzień 14 kh 290 h małaka, što na 1 kh 10 h bolš, čym letaś.
Ab hetym paviedamiŭ siońnia žurnalistam ministr sielskaj haspadarki i charčavańnia Leanid Zajac.
Ahułam, za studzień—lipień atrymana 3 młn 948 tys. t małaka, abo 107,1% da ŭzroŭniu minułaha hoda.
Ministr miarkuje, što heta Br23 trłn, jakija ŭkłała kraina z 2010 pa 2014 hod u rekanstrukcyju małočnych pradpryjemstvaŭ, budaŭnictva novych małočnatavarnych kompleksaŭ pačynajuć davać addaču.
Adnak ekspartnyja prybytki ahrarnaj haliny zastajucca nie takimi ŭžo i vysokimi. «My majem pa APK valutnuju vyručku ŭ pamiery $1 młrd 514 młn i zmahli sfarmiravać dadatnaje salda pa sistemie Minsielhascharča $848 młn», — kanstatavaŭ Leanid Zajac.
Ministerstva stavić ciapier zadaču palapšeńnia jakaści małaka.
«Heta zadača numar adzin, tamu z 1 vieraśnia biahučaha hoda my pierachodzim na novyja praviły pa pryjomcy karovinaha małaka», — skazaŭ ministr.
Z 1 vieraśnia Biełaruś admaŭlajecca ad druhoha hatunku małaka — budzie tolki ekstra, vyšejšy i pieršy. Małako, jakoje nie adpaviadaje hetym paramietram, budzie viartacca vytvorcu.
«Kali karova zdarovaja, jana budzie davać zdarovaje jakasnaje małako», — padkreśliŭ ministr Zajac.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary