Krainy Bałtyi nie damovilisia ź Jeŭrakamisijaj ab budaŭnictvie hazavaha terminała
Krainy Bałtyi nie zmahli damovicca ź Jeŭrakamisijaj pa pytańni ab budaŭnictvie SPH-terminała.
Pra heta zajaviła ministr ekanomiki Łatvii Dana Rejźniece-Ozała, pieradaje Postimees.
«Pravaliłasia ideja ahulnaha rehijanalnaha terminału dla krain Bałtyi, pakolki kožnaja kraina nastojvała, što mienavita tut padychodziačaje miesca dla jaho», — skazała ministr.
Pavodle jaje słoŭ, adnosna estonska-finskaha prajekta praduhledžvałasia, što na praciahu hetaha hoda Finlandyi nieabchodna znajści inviestara, i tady pačniecca realnaja praca pa pabudovie terminała.
«Kali hetaha nie adbudziecca, to prava pieršaj ruki pierachodzić da Estonii. Tam jašče iduć dyskusii, u jakim miescy budzie znachodzicca hałoŭny terminał. Ščyra kažučy, ja nie zanadta aptymistyčna nastrojenaja da taho, što hety prajekt sapraŭdy moža być realizavany», — skazała ministr.
Jana dadała, što nierazumna źviazvać čakańni z estonska-finskim terminałam.
«Bolš hladzim na płan B — kali nie atrymajecca supracoŭnictva z Kłajpiedskim terminałam, to my mahli b sami pabudavać jaki-niebudź nievialiki terminał. Źviazvać čakańni z estonska-finskim terminałam, pa-mojmu, nie vielmi razumna. Dobra, kali jon budzie pabudavany, ale nie raźličvajem na heta», — dadała jana.
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ79
Kamientary