U adnoj z baranavickich supołak źjaviŭsia dopis ad rasijanki Hanny Alochinaj — taja raspytvaje ŭ čytačoŭ pra ŭmovy žyćcia ŭ horadzie, pra dziciačyja sadki.
Pryčyna jaje cikavaści palahaje ŭ tym, što jaje mužu-avijatechniku z Kurska prapanavali pieravieścisia słužyć u Baranavičy ŭ rasijski avijapołk.
U pierapiscy z žurnalistam «Našaj Nivy» žančyna raskazała pra mierkavany pierajezd padrabiaźniej.
«Idzie nabor u rasijski połk, chutčej za ŭsio jon budzie ŭ Baranavičach, — napisała Hanna, — mužu prapanavali jechać tudy słužyć. Praŭda, pakul nam ničoha tołkam nie patłumačyli, skazali ž tolki ŭčora».
Žančynu cikaviać žyllo ŭ horadzie, ceny i pierśpiektyvy pracaŭładkavańnia dla žančyn z rasijskim hramadzianstvam.
«U nas tut [u Kursku] prosta ŭsio ŭładkavana — i praca jość, i žyllo, i mašyna. Vielmi vahajemsia, ci varta pierajazdžać», — padsumavała rasijanka.
Taksama Hanna skazała, što havorka idzie nie pra zvyčajnuju kamandziroŭku.
«Kali b była karotkaja kamandziroŭka, to našaje mierkavańnie i nie pytali b — pasłali i ŭsio. A heta poŭny pieravod, na stałoje miesca žycharstva. Jak ja čuła, dla rasijskich vajskoŭcaŭ užo budujuć žyllo», — taksama napisała žančyna.
Darečy, u Baranavičach sapraŭdy niadaŭna ŭźviali niekalki šmatpaviarchovikaŭ u rajonie h.zv. «Vajennaha haradka».
Aproč taho, niadaŭna Alaksandr Łukašenka ŭ intervju biełaruskim niedziaržaŭnym ŚMI zajaŭlaŭ, što rasijskaja vajskovaja prysutnaść u Biełarusi niaznačnaja.
«Na našaj terytoryi dźvie absalutna mirnyja vajennyja bazy. Baza ŭ Baranavičach — tam napeŭna try čverci našych ludziej słužać. Baza ŭ Hancavičach — možna skazać inžyniernaja vysokatechnałahičnaja stancyja, jakaja viadzie kantrol za puskam rakiet. Jany mohuć atakavać Ukrainu? Nie. Samaloty ja ŭ ich prasiŭ: «Dajcie ci pradajcie «pa dziašoŭcy» dziasiatak samalotaŭ. Čempijanat śvietu mnie treba ŭ płanie biaśpieki zabiaśpiečyć. Jany skazali, što mohuć try samaloty dać. Ja kažu: «Dobra, adzin vaš lotčyk i dva našych». Ja nie viedaju, niasuć jany zaraz dziažurstva ci nie. Pa-mojmu, jany ŭbyli siońnia. Samalotaŭ rasijskich u nas tut niama».
U toj ža čas płany pa raźmiaščeńni ŭ Baranavičach rasijskaha avijapałka ahučvalisia jašče ŭ 2013 hodzie. Tady Siarhiej Šajhu, znachodziačysia ź vizitam u Minsku, zajaviŭ ab namiery Rasii stvaryć u Biełarusi avijabazu da 2015 hoda. Išła havorka pra raźmiaščeńnie tam 24 źniščalnikaŭ.
Vidać, što rasijanie nie adstupajuć ad płana.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary