Prezident Rasii Uładzimir Pucin nie telefanavaŭ brytanskamu śpievaku Ełtanu Džonu, zajaviŭ pres-sakratar Pucina Dźmitryj Piaskoŭ. «Heta nie adpaviadaje rečaisnaści. Nijakaj razmovy nie było», — zajaviŭ Piaskoŭ žurnalistam u aŭtorak.
Raniej u paniadziełak u Instahramie śpievaka źjaviłasia partretnaje fota Pucina z podpisam: «Dziakuj prezidentu Pucinu za toje, što patelefanavaŭ mnie siońnia. Ja ź nieciarpieńniem čakaju mahčymaści abmierkavać ź im pravy ŁHBT pry asabistaj sustrečy».
Piaskoŭ vykazaŭ sumnieŭ, što akaunt, na jakim źjaviłasia paviedamleńnie, sapraŭdy naležyć śpievaku. Adnak akaunt na Instahramie paznačany jak vieryfikavany. Pradstaŭniki artysta taksama paćvierdzili Bi-bi-si, što rasijski prezident telefanavaŭ jamu.
Raniej Ełtan Džon zajaviŭ, što chacieŭ by sustrecca z Pucinym, kab abmierkavać pravy hiejaŭ u Rasii.
«Ja chacieŭ by sustrecca z Pucinym, — skazaŭ Ełtan Džon ŭ intervju dypłamatyčnamu karespandentu Bi-bi-si Brydžet Kiendał. — Heta, napeŭna, utapičnaja ideja… Jon moža zaśmiajacca ŭ mianie za plačami, začyniŭšy za mnoj dźviery, nazavie mianie poŭnym idyjotam, ale prynamsi ja budu viedać, što ŭ mianie chapiła sumleńnia pasprabavać».
Piaskoŭ ŭ aŭtorak zajaviŭ, što prapanovy sustrecca sa śpievakom Pucin nie atrymlivaŭ, ale «zaŭsiody byŭ i zastajecca adkryty da dyskusii pa lubych pravačałaviečych pytańniach».
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj29
Kamientary