U Homielskim abłasnym sudzie siońnia, 2 kastryčnika, vyniesieny prysud pa kryminalnaj spravie pra zabojstva baćkami zaviedama małaletniaj dački, a taksama pakidańni ŭ niebiaśpiecy novanarodžanaha syna. Abodvum pryznačana pakarańnie ŭ vyhladzie 19 hadoŭ pazbaŭleńnia voli.
Sud pryznaŭ vinavatymi 32-hadovuju maci i 35-hadovaha baćku, žycharoŭ Homiela, u naŭmysnym zabojstvie zaviedama małaletniaha, ździejśnienaha z asablivaj žorstkaściu hrupaj asob. Jon taksama paličyŭ całkam dakazanaj ich vinu ŭ pakidańni ŭ niebiaśpiecy druhoha niemaŭlaci, jakoha jany kinuli ŭ padjeździe šmatpaviarchovaha doma. Baćku vyznačana adbyvać termin u papraŭčaj kałonii ŭzmocnienaha režymu, a maci — u VK ahulnaha režymu. Prysud nie ŭstupiŭ u zakonnuju siłu i moža być abskardžany.
Sudovaje śledstva pa hetaj spravie doŭžyłasia kala dvuch miesiacaŭ. Pary było pradjaŭlenaje abvinavačvańnie ŭ naŭmysnym zabojstvie trochmiesiačnaj dački, jakuju jany ŭ mai 2014 hoda pakinuli adnu ŭ zamknionym kvatery, paśla čaho nie cikavilisia jaje losam kala dziesiaci miesiacaŭ, badziažničali chavajučysia pad vydumanymi imionami.
Taksama ŭ studzieni 2015 paśla naradžeńnia syna bijałahičnyja baćki kinuli dzicia ŭ padjeździe šmatpaviarchovaha doma, dzie jaho znajšli žychary, jakija paviedamili pra heta ŭ milicyju. Paśla vyjaŭleńnia novanarodžanaha chłopčyka była adšukana jaho maci. Tady ž u kvatery baćki znojdzieny mumifikavali trup trochmiesiačnaj dački.
Kamientary